Превью. "Машъал" - "Металлург"

«Машъал» (Муборак) – «Металлург» (Бекобод)
21 июнь. Муборак. Баҳром Вафоев номидаги стадион. 18:30
Ҳакамлар: Р. Бобомуродов (Навоий), Р. Серазетдинов (Тошкент), Р. Шояхметов (Тошкент), Н. Болтаев (Навоий)
Назоратчи: Б. Галеев (Урганч).

“Машъал” ва “Металлург” олий лигада жами 22 бора тўқнаш келишган. Натижалар “Машъал”нинг устунлигини кўрсатмоқда. Муборакликлар 11та ўйинда ғолиб бўлишган. 6та ўйинда дуранг қайд этилган. 5 учрашувда эса “Металлург” зафар қучган. Тўплар нисбатида ҳам “Машъал” олдинда - 40:27. Ўзаро ўйинларда “Машъал” 39 очкони, “Металлург” эса 21 очкони  қўлга киритган.

“Машаъл”нинг ўзаро ўйинларда қозонган энг йирик ғалабаси – 5:1 га тенг. “Металлург”да бу кўрсаткич 4:2 бўлиб турибди.

Ўтган мавсумда “Машъал” олий лигада ўйнамаган. 2012 йилдаги баҳсларда ўз уйида ўйнаган жамоа 2:1 ҳисобида зафар қучган. Муборакда Самандар Шодмонов ва Игорь Петкович меҳмонлар дарвозасига тўп киритган, “Металлург” сафида Шухрат Йўлдошев пенальтидан гол урганди – 2:1. Бекободда ҳам дастлаб ҳисобни “Машъал” вакили Павел Соломин очганди. Бунга Ҳикмат Ҳошимов ва Сардор Расулов икки марта жавоб беришган – 2:1.

Муборакда бўлиб ўтган сўнгги беш учрашув:
17.11.2012 «Машъал» – «Металлург»  2:1
31.07.2011 «Машъал» – «Металлург»  2:1
01.05.2010 «Машъал» – «Металлург»  1:1
30.06.2009 «Машъал» – «Металлург»  1:1
30.06.2008 «Машъал» – «Металлург»  1:0

Ўзаро ўйинлар ҳақида факт: «Машъал» ва «Металлург» клублари олий лигада Муборакда жами 11 та ўйин ўтказишган. Шу ўйинлардан 7тасида «Машъал» ғолиб бўлган. 3та учрашувда дуранг ҳисоби қайд этилган. Битта учрашувда «Металлург» Муборакдан уч очко билан кетган.