ПРЕВЬЮ. "Машъал" - "Динамо"

«Машъал» – «Динамо»
26 сентябрь 2014 йил. Муборак. Баҳром Вафоев номидаги стадион. 17:00
Ҳакамлар: Б.Намозов, А.Усмонов, Т.Гайнулин, И.Ибрагимов
Назоратчи: Р.Айтеков

Бу икки клуб олий лигада 27 бор куч синашишган. Натижалар “Машъал”нинг устунлигини кўрсатмоқда. Муборакликлар 13 ўйинда ғалаба қозонишган, 2 учрашув дуранг билан якунланган. “Динамо” ҳам  13 бора рақибини мағлуб этган. Тўп киритиш борасида тенглик – 33:33. Ўзаро ўйнларда “газчилар” 41 очко,  “Динамо” эса ўз ҳисобига 38 очко ёзиб қўйган.

“Машъал”нинг “Динамо” устидан қозонган энг йирик ғалабаси – 4:1. “Динамо”нинг “Машъал” устидан ўзаро ўйинлардаги энг йирик муваффақияти эса 5:0 ни ташкил қилади.

Биринчи даврада “Машъал” Самарқанддан ғалаба билан қайта олган. Дастлабки бўлим сўнггида Абдулла Набиев ҳисобни очганди. Бироқ ҳакам томонидан қўшиб берилган дақиқаларда Жамшид Ҳасанов мезбонлар дарвозасига гол уриб ҳисобни тенглаштирганди. Иккинчи бўлим охирида Зафар Тўраев “Динамо”ни мағлубиятини таъминлаган голни урганди – 1:2.  

Муборакда ўтган сўнгги беш учрашув:
05.10.2012 «Машъал» - «Динамо» 2:0
19.03.2011 «Машъал» - «Динамо» 1:0
13.06.2010 «Машъал» - «Динамо» 2:1
06.03.2009 «Машъал» - «Динамо» 1:0
28.09.2008 «Машъал» - «Динамо» 1:1

Ўзаро ўйинлар ҳақида факт:  Муборакда бўлиб ўтган 13та ўйиннинг 10тасида мезбонлар ғалаба қозонишган. Фақат битта ўйин дуранг билан тугаган. Яна иккита учрашувда эса “Динамо” сафардан уч очко билан қайтган.