Превью. "Динамо" - "Насаф"

«Динамо» (Самарқанд) – «Насаф» (Қарши)
31 октябрь 2015. Самарқанд. "Динамо" стадиони. 15:00
Ҳакамлар: В. Серазетдинов (Тошкент), А. Усмонов (Тошкент), А. Цапенко (Тошкент вил.), А. Нажафалиев (Тошкент)
Назоратчи: А. Абдуллаев (Тошкент).

“Динамо” ҳамда “Насаф” клублари олий лигада шу кунгача 35 бор куч синашишган. Натижалар “аждарлар”нинг устунлигини кўрсатмоқда. 19та ўйинда “Насаф”, 7 ўйинда “Динамо” ғалаба қозонган. 9та учрашувда дуранг натижа қайд этилган. “Аждарлар” ўзаро ўйинларда 50 бор рақиб дарвозасига йўл топа олишган. “Динамо” эса 33 бор гол кирита олган. Қарши клуби 66, Самарқанд клуби эса 30 очкони қўлга киритган. “Насаф”нинг “Динамо” устидан қозонган энг йирик ғалабаси – 5:0. “Динамо”нинг энг йирик ғалабаси эса 4:0.

13-турда Қаршида ўтган ўйинда мезбонлар уч очкога эга бўлишган. “Насаф” ҳужумчиси Илҳом Шомуродовнинг иккита голи “аждарлар”га ғалаба келтирганди – 2:0.

Самарқандда ўтган сўнгги беш учрашув:
03.08.2014 «Динамо» - «Насаф» 0:5
17.08.2013 «Динамо» - «Насаф» 1:3
15.03.2012 «Динамо» - «Насаф» 0:2
20.06.2011 «Динамо» - «Насаф» 0:1
25.09.2010 «Динамо» - «Насаф» 0:0

Ўзаро ўйинлар ҳақида факт: “Динамо” ўз уйида 5 марта ғолиб бўлган, 6та учрашув дуранг натижаси билан ўз ниҳоясига етган. Олти марта “Насаф” Самарқанддан уч очко билан қайтган. Охирги олти йилда “Динамо” ўз уйида “Насаф”ни енга олмаган.