Превью. "Динамо" - "Бунёдкор"

«Динамо» (Самарқанд) – Бунёдкор» (Тошкент)
12 октябрь 2015. Самарқанд. "Динамо" стадиони. 16:00
Ҳакамлар: В. Цейтлин (Тошкент), Т. Гайнулин (Тошкент), А. Калинин (Қарши), Н. Қосимов (Қарши)
Назоратчи: Ф. Абдуллаев (Тошкент).

“Динамо” ва “Бунёдкор” олий лигада 17 бора тўқнаш келишган. Натижалар “қалдирғочлар”нинг каттагина устунлигини кўрсатмоқда. “Бунёдкор” 15та ўйинда ғолиб бўлган, 1та ўйин дуранг ҳисобида якунланган. “Динамо” ушбу рақибни ҳозирга бир марта мағлуб этган. Тўплар нисбатида ҳам устунлик “Бунёдкор” томонида - 34:7. Ўзаро ўйинларда “Динамо” 4, “Бунёдкор” эса 46 очкони қўлга киритган.

“Бунёдкор”нинг ўзаро ўйинларда қозонган энг йирик ғалабаси – 4:0га тенг. “Динамо”нинг ягона ғалабаси – 1:0.

Биринчи даврада Тошкентдаги баҳсда битта гол урилган. Иккинчи бўлим охирида ҳозирда "Ал Жайиш" шарафини ҳимоя қилаётган Сардор Рашидов тўп киритиб "қалдирғочлар"га ғалаба келтирган - 1:0.

Самарқандда бўлиб ўтган сўнгги беш учрашув:
06.04.2014 «Динамо» - «Бунёдкор» 0:2
18.04.2013 «Динамо» - «Бунёдкор» 0:3
21.05.2012 «Динамо» - «Бунёдкор» 0:1
15.04.2011 «Динамо» - «Бунёдкор» 0:1
12.09.2010 «Динамо» - «Бунёдкор» 1:2

Ўзаро ўйинлар ҳақида факт: “Бунёдкор” ушбу рақиб майдонидаги 8та ўйиннинг 7тасида ғолиб бўлган. Битта учрашувда (2007 йил) Самарқанд клуби ўз майдонида дуранг ўйнаган.