Превью. "Бухоро" - "Машъал"

 «Бухоро» (Бухоро) – «Машъал» (Муборак)
25 июнь 2016. Бухоро. "Бухоро" стадиони. 19:00
Ҳакамлар: А. Асимов (Тошкент), М. Саидқосимов (Тошкент), Р. Шояхметов (Тошкент), А. Шукуруллаев (Тошкент)
Назоратчи: А. Абдуллаев (Тошкент).
ЎзПФЛ вакили: А. Фролов.

Бу икки клуб олий лигада 28 бор куч синашишган. Натижалар “Машъал”нинг устунлигини кўрсатмоқда. Муборакликлар 12 та ўйинда ғалаба қозонишган, 9 баҳс дуранг билан якунланган. 7та ўйинда “Бухоро” зафар қучган. Тўп киритиш борасида ҳам “Машъал” олдинда – 42:30. Ўзаро ўйинларда “Бухоро” 30 очкога эга бўлган, “Машъал” ҳисобида эса 45 очко мавжуд.

“Бухоро”нинг “Машъал” устидан қозонган энг йирик ғалабаси – 4:0. “Машъал”нинг ҳам “Бухоро” устидан ўзаро ўйинлардаги энг йирик муваффақияти 4:0ни ташкил қилади.

Ўтган йил биринчи даврада Муборакда бўлиб ўтган баҳсда жанговор дуранг қайд этилган. Бухороликлар сафида Богдан Хауши ва Жамолиддин Убайдуллаев, мезбонлардан Владислав Иванов ва Зоҳир Қўзибоев гол уришганди – 2:2. Бухорода эса Сергей Георгиев ва Азиз Ибрагимовнинг (2та) голларига меҳмонлар сафида Шерзод Файзиев жавоб берганди – 3:1.

Бухорода ўтган сўнгги беш учрашув:    
25.09.2015 «Бухоро» - «Машъал» 3:1
01.06.2014 «Бухоро» - «Машъал» 3:4
07.04.2012 «Бухоро» - «Машъал» 1:1
28.05.2011 «Бухоро» - «Машъал» 2:0
16.05.2009 «Бухоро» - «Машъал» 1:1

Ўзаро ўйинлар ҳақида факт: Бухородаги ўйинларда мезбонлар 6 марта ғолиб бўлишган. 5 баҳсда дуранг қайд этилган. “Машъал” ушбу рақиб майдонидан уч марта сафардан ғалаба билан қайтган. Сўнгги икки учрашувда “Бухоро” ўз уйида бу рақибга учтадан гол урган.