Превью. «БУНЁДКОР» – «НАВБАҲОР»

«БУНЁДКОР» – «НАВБАҲОР»
20 сентябрь. Тошкент. “Пахтакор” стадиони. 18:00
Ҳакамлар: Ш.Қосимов, В.Лушин, У.Каримов, О.Тўйчибоев
Назоратчи: Д.Роман.

Натижалар тошкентликларнинг устунлигини кўрсатмоқда. “Бунёдкор” 10та ўйинда ғолиб бўлган, 1та ўйин дуранг ҳисобида якунланган. “Навбаҳор” ушбу рақибни ҳозирга қадар 2 марта мағлуб эта олган. Тўплар нисбатида ҳам устунлик “Бунёдкор” томонида - 28:7. Ўзаро ўйинларда “Бунёдкор” 31, “Навбаҳор” эса 7 очкони қўлга киритган.

“Навбаҳор”нинг ўзаро ўйинларда қозонган энг йирик ғалабаси – 2:1га тенг. “Қалдирғочлар”да бу кўрсаткич анча катта – 6:0.

Биринчи даврада “Навбаҳор” майдонида бўлиб ўтган учрашувда меҳмонлар йирик ғалабага эришишганди – 0:3. Қаҳрамон Маҳамаджонов ўз дарвозасига тўп киритиб қўйган бўлса, Олександр Пишур ва Лутфулла Тўраев биттадан гол уришганди.

Тошкентда бўлиб ўтган барча учрашувлар:
19.10.2012 «Бунёдкор» - «Навбаҳор» 1:0
12.03.2011 «Бунёдкор» - «Навбаҳор» 1:0
26.08.2010 «Бунёдкор» - «Навбаҳор» 2:0
21.06.2009 «Бунёдкор» - «Навбаҳор» 6:0
02.03.2008 «Бунёдкор» - «Навбаҳор» 1:0
05.05.2007 «Бунёдкор» - «Навбаҳор» 3:1

Ўзаро ўйинлар ҳақида факт: “Бунёдкор” ушбу рақибни ўз майдонида ўтган барча олтита ўйинда ҳам мағлуб этган. Эътиборлиси “Навбаҳор” Тошкентда сўнгги бор 2007 йил “Бунёдкор” дарвозасига гол ура олган. Сўнгги 5 йилда “лочинлар” “қалдирғочлар” дарвозасига йўл топа олмаяпти.