ПРЕВЬЮ. "Бунёдкор" - "Насаф"

«Бунёдкор» – «Насаф»
25 сентябрь 2014 йил. Тошкент. “Жар” стадиони. 18:00
Ҳакамлар: М.Исмоилов, М.Саидқосимов, А.Цапенко, И.Худойдотов
Назоратчи: Р.Серазетдинов.

“Бунёдкор” ва “Насаф” олий лигада жами 15 бора тўқнаш келишган. Натижалар “Бунёдкор”нинг устунлигини кўрсатмоқда. Шу кунга қадар “Бунёдкор” 8та ўйинда ғалаба қозонган. Бешта ўйин дуранг билан якунланган. “Насаф” бугунга қадар “Бунёдкор”ни икки марта мағлубиятга учратган. “Бунёдкор” 23та тўп киритган, “Насаф” эса тошкентликлар дарвозасини 7 бора аниқ нишонга олган. “Қалдирғочлар” ўзаро ўйинларда 29 очко ишлаб олишган бўлса, “аждарлар”нинг ушбу кўрсаткичи 11тага тенг.

“Бунёдкор”нинг ўзаро ўйинларда “Насаф" устидан қозонган энг йирик ғалабаси – 5:0 га тенг. “Насаф”нинг йирик ғалабаси эса – 2:0.

8-турда Қаршида кечган ўйинда мезбонлар ғалаба қозонишган. Дастлабки бўлимда Илҳом Юнусов, иккинчи бўлимда Илҳом Шомуродов “Бунёдкор” дарвозасини ишғол қилишганди – 2:0.
 
Тошкентда ўтган сўнгги беш учрашув:  
08.03.2013 «Бунёдкор» - «Насаф» 3:0
16.06.2012 «Бунёдкор» - «Насаф» 0:0
11.06.2011 «Бунёдкор» - «Насаф» 2:1
28.07.2010 «Бунёдкор» - «Насаф» 5:0
24.08.2009 «Бунёдкор» - «Насаф» 2:1

Ўзаро ўйинлар ҳақида факт: Бу жамоалар Тошкентда жами 7 бор куч синашишган. Шундан 6тасида “қалдирғочлар” ғалабага эришишган. “Насаф” пойтахтда ушбу жамоани умуман мағлуб эта олмаган. Фақат 2012 йилда сафардан дуранг билан қайтган. “Аждарлар” Тошкентдаги баҳсларда “Бунёдкор” дарвозасига иккита гол уришган.