Превью. "Бунёдкор" - "Машъал"
31 mar 2016 11:04
News
![](https://championat.asia/upload/storage/203246_original.jpg)
![](/upload/storage/203246_220.jpg)
Превью. "Бунёдкор" - "Машъал"
«Бунёдкор» (Тошкент) – «Машъал» (Муборак)
Ҳакамлар: В. Серазетдинов (Тошкент), Б. Қодиров (Бухоро), А. Қўлдошев (Бухоро), Д. Акмалов (Тошкент).
Назоратчи: Б. Галеев (Урганч).
ЎзПФЛ вакили: Ф. Магаметов.
Ушбу жамоалар шу кунга қадар ўзаро 16 марта куч синашишган. Натижалар “Бунёдкор”нинг яққол устунлигини кўрсатмоқда. “Қалдирғочлар” 15та баҳсда ғалаба қозонишган. “Машъал” ҳисобида битта ғалаба бор. Тўплар нисбати 36-4 “Бунёдкор” фойдасига. Ўзаро ўйинларда “Бунёдкор” 45 очони қўлга киритган бўлса, “Машъал”да бу кўрсаткич ҳозирча 3 бўлиб турибди.
“Бунёдкор”нинг “Машъал” устидан қозонган энг йирик ғалабаси – 5:1. “Машъал”нинг ягона ғалабаси 3:2га тенг.
Ўтган мавсум Тошкентдаги баҳсда Сардор Рашидов, Тимур Аюпов, Сардор Собирхўжаев ва Шакер Зуагининг урган голлари “қалдирғочлар”га йирик ғалабани тақдим этганди. Муборакда эса “Машъал” тарихий ғалабага эришганди. Шакер Зуаги ҳисобни очганди. Бунга Микита Букаткин жавоб берганди. Тайм сўнггида Элдор Шомуродов собиқ клуби дарвозасини ишғол қилиб “Бунёдкор”ни олдинга олиб чиққанди. Сирож Ҳамроев ва Зафар Тўраевнинг голлари Муборак клубига 3:2 ҳисобидаги ғалабани келтирганди – 3:2.
Тошкентда ўтган охирги беш учрашув:
15.05.2015 «Бунёдкор» - «Машъал» 4:0
10.08.2014 «Бунёдкор» - «Машъал» 5:1
15.03.2012 «Бунёдкор» - «Машъал» 1:0
05.11.2011 «Бунёдкор» - «Машъал» 2:0
05.06.2010 «Бунёдкор» - «Машъал» 3:0
Ўзаро ўйинлар ҳақида факт: Тошкентдаги ўйинларда “қалдирғочлар” 22 марта гол уришган ва барча ўйинларда ғалаба қозонишган. Муборак клуби бу жамоа дарвозасига сафарда фақат битта гол урган.
Similar news
![AMP Logo](https://championat.asia/image/logo-amp.png)
Comments