Превью. "Бунёдкор" - "Динамо"

«Бунёдкор» – «Динамо»
23 август. Тошкент. “Жар” стадиони. 19:00
Ҳакамлар: М.Муҳамедов, С.Шоюсупов, Ф.Ҳасанов, Н.Болтаев.
Назоратчи: Д.Роман.

“Динамо” ва “Бунёдкор” олий лигада 15 бора тўқнаш келишган. Натижалар “қалдирғочлар”нинг каттагина устунлигини кўрсатмоқда. “Бунёдкор” 14та ўйинда ғолиб бўлган, 1та ўйин дуранг ҳисобида якунланган. “Динамо” ушбу рақибни ҳозирга қадар умуман мағлуб эта олмаган. Тўплар нисбатида ҳам устунлик “Бунёдкор” томонида - 33:6. Ўзаро ўйинларда “Динамо” 1, “Бунёдкор” эса 43 очкони қўлга киритган.

“Бунёдкор”нинг ўзаро ўйинларда қозонган энг йирик ғалабаси – 4:0га тенг. “Динамо”да ғалаба йўқлиги ҳақида айтиб ўтдик.

Дастлабки даврада Самарқанддаги баҳсда “қалдирғочлар” зафар қучишган. Акмал Холмуродов ўз дарвозасини ишғол қилиб ҳисобни очган бўлса иккинчи бўлимда Олег Зотеев якуний натижани ўрнатганди – 0:2.

Тошкентда бўлиб ўтган сўнгги беш учрашув:
05.10.2013 «Бунёдкор» - «Динамо» 4:1
03.09.2012 «Бунёдкор» - «Динамо» 2:1
24.09.2011 «Бунёдкор» - «Динамо» 2:0
06.05.2010 «Бунёдкор» - «Динамо» 2:1
09.11.2009 «Бунёдкор» - «Динамо» 2:0

Ўзаро ўйинлар ҳақида факт: “Динамо” ушбу рақиб майдонидаги 7та ўйиннинг барчасида мағлуб бўлган. “Қалдирғочлар” Тошкентдаги барча учрашувларда камида иккитадан гол уришган.