Превью. "Бунёдкор" - "Бухоро"

«БУНЁДКОР» – «БУХОРО»
13 сентябрь 2014 йил. Тошкент. "Жар" стадиони. 18:00
Ҳакамлар: З.Қодиров, Р.Самандаров, О.Жумаев, Р.Копадзе
Назоратчи: Г.Имомов.
 
“Бунёдкор” ва “Бухоро” олий лигада 13 бора тўқнаш келишган. Натижалар “қалдирғочлар”нинг мутлоқ устунлигини кўрсатмоқда.

“Бунёдкор” ушбу рақибни 11 марта мағлуб этган. “Бухоро” “қалдирғочлар”га қарши ўйинда икки бор дуранг ўйнаган. “Бунёдкор” ўзаро ўйинларда 32та гол урган, “Бухоро” футболчилари атига 3 марта тошкентликлар дарвозасини ишғол этишган. “Бунёдкор” ўзаро ўйинларда 35 очкога эга бўлган, “Бухоро” ҳисобида 2 очко бор. “Бунёдкор”нинг ўзаро ўйинларда энг йирик ғалабаси 4:0га тенг. “Бухоро” ҳисобида ғалаба умуман йўқлиги ҳақида айтиб ўтдик.

Дастлабки даврада Бухорода ўтган баҳсда дуранг қайд этилганди. Виталий Пламаделанинг голига бир дақиқа ўтгач Воҳид Шодиев жавоб берганди – 1:1.

Тошкентда ўтган барча учрашувлар:
05.05.2013 «Бунёдкор» - «Бухоро» 4:0
24.09.2012 «Бунёдкор» - «Бухоро» 1:0
20.06.2011 «Бунёдкор» - «Бухоро» 3:0
10.05.2009 «Бунёдкор» - «Бухоро» 4:0
28.09.2008 «Бунёдкор» - «Бухоро» 2:0
01.10.2007 «Бунёдкор» - «Бухоро» 2:0

Ўзаро ўйинлар ҳақида факт: “Бунёдкор” ўз майдонидаги 6та ўйиннинг барчасида ғолиб бўлган. Эътиборлиси “Бухоро” Тошкентда ушбу жамоа дарвозасига умуман гол ура олмаган.