ПРЕВЬЮ. "Барселона" - "Реал"

Иккала жамоа шу пайтгача 231 марта расмий ўйинларда тўқнаш келишган. "Реал" 93 бор зафар қучган, 48та ўйинда ғолибни аниқлашнинг имкони бўлмаган. 90 марта "Барселона"нинг қўли баланд келган .

"Қироллик клуби" 391та гол урган, "кўканорранглилар" ҳисобида 379та гол мавжуд.
 


Примера доирасида 172та "Эл Классико" бўлиб ўтган. 72 марта "Реал", 68 марта "Барса" ютган. 32 бор дуранг қайд этилган. Тўплар нисбатида "қаймоқранглилар" олдинда: 280-273.



Бугунги баҳсни Карлос Клос Гомес бошқариб боради.  Клос Гомес «Барселона»нинг 20та ўйинида ишлаган. Уларнинг 17тасида Каталония клуби ғолиб бўлган ва 3 марта дуранг ўйнаган.

«Реал Мадрид» иштирокидаги 27та ўйинда Клос Гомес бош ҳакам бўлган: «Қироллик клуби» 18та ғалаба қайд этишган ва 5 марта дуранг ўйнашган. Қолган 4 учрашувда имконият бой берилган.


Карлос Клос Гомес илк бор Испания чемпионати доирасидаги класикода ишлайди. Олдин бу ҳакам «Барселона» ва «Реал» ўртасидаги кубок баҳсларида ишлаган. 2012 йил Испания Суперкубоги биринчи ўйини доирасидаги баҳсда Каталония клуби 3-2 ҳисобида зафар қучган. Ўша йил Испания Қирол Кубоги ярим финалида 1-1 ҳисоби қайд этилган.

Испания чемпионати. 14-тур
БАРСЕЛОНА - РЕАЛ МАДРИД
3 декабрь. Барселона. "Камп Ноу" стадиони. 20:15.
Ҳакам - Карлос Клос Гомес (Сарагоса).

Тахминий таркиблар

"Барселона": тер Штеген - Серхи Роберто, Матье, Маскерано, Альба - Ракитич, Бускетс, Арда Туран - Месси, Суарес, Неймар

"Реал": Навас - Карвахаль, Пепе, Рамос, Марсело - Модрич, Ковачич, Иско - Васкес, Роналду - Бензема.


Ушбу баҳс CA орқали матнли трансляция қилинади.


Нарзулла Сайдуллаев тайёрлади