Превью. Аҳмедов ва Денисов жамоалари Краснодарда тўқнаш келади

КРАСНОДАР - ЛОКОМОТИВ
25 апрель. Краснодар. "Кубань" стадиони. 21:00.
Ҳакам - Сергей Лапочкин (С.Петербург).
Трансляция - "Наш Футбол".
 
Турнинг марказий ўйинларидан бирида "Краснодар" ўз уйида Москванинг "Локомотив" клубини қабул қилади. Ўтган турда "буқалар" ЦСКА билан сафардаги баҳсда Вандерсоннинг голи эвазига дуранг қайд этди. Олег Кононов жамоаси ЦСКАдан 4 очко фарқ билан ҳамон иккинчи ўринда бормоқда. "Краснодар" учун Европа чемпионлар лигаси яқин, бунинг учун ғалаба қозонишда давом этиш керак. Навбатда "Локомотив" турибди. Бу жамоа Европа лигаси йўлланмаси учун курашишда давом этмоқда. Ўтган турда "темирйўлчилар" аутсайдерлардан бири "Уфа"га 0:1 ҳисобида ютқазиб қўйишди.



"Локо"да Россия кубоги ярим финали ҳам бор. "Краснодар"га қарши ўйиндан сўнг Москва клуби "Газовик" билан ўйнайди. Айнан кейинги ўйин "Локомотив" учун муҳимроқ ҳисобланади. Бироқ бугун Краснодар клуби осон ғалабага эришади дегани эмас. "Локо" керакли вақтда сифатли ўйин намойиш эта оладиган маҳоратли футболчиларга эга.

"Локомотив" "Краснодар"га қарши ўйинларда каттагина устунликка эга. Москва клуби 7 ўйиндан 5тасида зафар қучган. Краснодар клуби илк ғалабасини 2012 йилида қўлга киритган. Бу мавсумнинг илк турида ушбу жамоалар ўртасидаги баҳсда дуранг қайд этилган. "Черкизово"даги баҳсда ҳисоб очилмаганди.

"Краснодар"да ҳимоячи Артур Енджейчик ва ярим ҳимоячи Жоаозиньо жароҳат туфайли майдонга туша олишмайди. Юрий Газинскийнинг майдонга тушиши сўроқ остида. "Локомотив" сафида ўтган турда қизил карточка олган ва дисквалификация қилинган Дмитрий Тарасов майдонга туша олмайди. Мавсум охирига қадар Ян Дюрица сафдан чиқди. Мутахассислар "Краснодар"ни учрашувнинг яққол фаворити деб ҳисоблашмоқда.

Россиялик ҳамкасбларимиз тахминий таркибларда Ўзбекистон терма жамоаси аъзоларининг илк дақиқаларданоқ майдонга тушишини айтишмоқда.
 


Йўқотишлар:
"Краснодар": Артур Енджейчик (жароҳат), Жоаозиньо (жароҳат)   
"Локомотив": Ян Дюрица (жароҳат), Дмитрий Тарасов (дисквалификация)
 
Тахминий таркиблар:
4-5-1: Дикань, Калешин, Гранквист, Сигурдссон, Петров, Перейра, ОДИЛ АҲМЕДОВ, Измайлов, Широков, Мамаев, Ари.   
4-5-1: Гилерме, Шишкин, Чорлука, Шешуков, ВИТАЛИЙ ДЕНИСОВ, Самедов, Михалик, Фернандеш, Буссуфа, Касаев, Шкулетич.


 
Ўзаро ўйинлар:
 23.04.2011. "Кубань" стадиони (Краснодар) - 1:4 (Шипицин - Шишкин, Ибричич, Игнатьев, Сычев).
 21.08.2011. "Локомотив" стадиони (Москва) - 0:1 (Глушаков).
 04.08.2012. "Кубань" стадиони (Краснодар) - 3:1 (Автогол, Жоаозиньо, Мовсисян - Кайседо).
 24.11.2012. "Локомотив" стадиони (Москва) - 2:3 (Шипицин, Вандерсон - Н'Дойе-2, Обинна).
 05.08.2013. "Локомотив" стадиони (Москва) - 1:3 (Жоаозиньо - Денисов, Н'Дойе, Дюрица).
 26.04.2014. "Кубань" стадиони (Краснодар) - 1:3 (Жоаозиньо - Ал.Миранчук, Самедов-2).
 03.08.2014. "Локомотив" стадиони (Москва) - 0:0.