Премьер-лига клублар учун трансфер харажатлари ва маошларга чекловлар киритиши мумкин. Қоидабузарликлар очколарни олиб ташлаш ёки жаримага тортилиш эҳтимоли бор

The Times хабарига кўра, лига трансфер харажатлари ва маош тўловларига чеклов қўйиши мумкин.

Премьер-лига УEФА лимитига ўхшаш чора кўрмоқчи. 2023-йил УEФАнинг янги қоидалари кучга киради. Унга кўра, улар бир календар йилидаги даромадларининг 70 фоизидан кўп бўлмаган қисмини ўйинчиларнинг маоши, трансфер тўловлари ва агентлик комиссияларига сарфлашлари мумкин. Футболчиларни сотишдан тушган даромад клубларга кўпроқ маблағ сарфлаш имконини беради.

Инглиз ташкилоти ҳам шунга ўхшаш қоидани қўллашни истайди, лекин 70% дан юқори чегара билан клубларга бироз кўпроқ пул сарфлаш имконини беради. Таклиф клублар томонидан маъқулланиши керак.

Премьер-лига жамоалари қоида бузилган тақдирда, қоидабузарликнинг жиддийлигига қараб, жазоланиши ёки очколари олиб қўйилиши мумкин.