Пранделли расман “Галатасарой” бош мураббийи бўлди

Бугун томонлар икки йилга мўлжалланган шартнома имзолашди. 56 яшар Пранделли турк клубида йилига 2,295 миллион евро маош олади. Шунингдек, мукофот пуллари ҳам шартномага банд сифатида киритилган.

Чезаре “Галатасарой”да яна бир италиялик мутахассис Роберто Манчинининг ўрнини эгаллади. Манчини қўл остида жамоа чемпионатда 2-ўринни эгаллади. Роберто 11 июнь куни расман “Галатасарой”ни тарк этган эди.

Эслатиб ўтамиз, Чезаре Пранделли бош мураббийлигидаги Италия терма жамоаси Бразилияда якунига етиб бораётган ЖЧ-2014нинг гуруҳ босқичидан ҳам чиқа олмаганди. Бу гуруҳдан Коста-Рика ва Уругвай терма жамоалари нимчорак финалга йўл олишган эди.