Поттер: "Мудрик "Ливерпул"га қарши ўйнай олади"

"Сўнгги пайтларда у кўп ўйин амалиётига эга бўлмаган, аммо Мудрик машғулотларда яхши кўринмоқда. "Ливерпул"га қарши дебютини ўтказиш эҳтимоли бор.

У бошқа лигадан келганини ва мослашиш учун вақт кераклигини ҳамма тушуниши керак. Мудрик – катта салоҳиятга эга ёш футболчи, лекин у аллақачон маълум тажрибага эга ва қизиқарли футболчи. Михаил жамоамизга қўшилганидан хурсанд. У Лондондаги фаолиятини, хусусан, дебют баҳсини интиқлик билан кутмоқда", – деди Поттер.

Эслатиб ўтамиз, "Челси" ўтган якшанба куни Мудрикнинг трансферини якунлади, унинг умумий суммаси 100 миллион евро  – дарҳол 70 миллион, бонуслар сифатида 30 миллион.

"Ливерпуль" – "Челси" учрашуви бугун бўлиб ўтади.