Польшада йилнинг энг яхши ўйинчиси аниқланди
03 feb 2020 17:58
News

Польшада йилнинг энг яхши ўйинчиси аниқланди

"Бавария" ҳужумчиси Роберт Левандовски польшалик ўйинчилар орасида 2019 йилнинг энг яхши футболчиси бўлди.

Мюнхенликлар ҳужумчиси сўровномада ғолиб чиққан ҳолда ушбу мукофотни қўлга киритди. Левандовски ушбу совринни 2011 йилдан 2017 йилга қадар кетма-кет қўлга киритган, 2018 йилда эса ушбу номга "Вест Хэм" посбони Лукаш Фабиански муносиб кўрилган.

"Польшада 2019 йилнинг энг яхши футболчисидек унвонга лойиқ кўрилганим, қолаверса мен сардорлик қиладиган мамлакат терма жамоасига ҳам катта раҳмат айтаман", - деб ёзади Левандовски ўзининг "Twitter" саҳифасида.

Эслатиб ўтамиз, Левандовски 2019 йил "Бавария" ва Польша терма жамоаси сафида 54та ўйинда майдонга тушиб, 58та гол уришга эришди.