Погбанинг "Ювентус"га ўтиши деярли иложсиз

"Манчестер Юнайтед" клуби футболчиси Пол Погбанинг келажаги мавҳумлигича қолмоқда.

Tuttosport нашрининг хабар беришича, Побганинг юқори маоши бу трансферни "Юве" учун деярли имконсиз ишга айлантирмоқда. Футболчи эркин агент бўлиб ўтган тақдирда ҳам, бу вазиятни юмшатмайди. Погба йилига энг камида 15 млн евро маош сўрамоқда. "Ювентус" эса бундай катта маошни тўлай олмайди. Жамоа Погбанинг ўрнига, "Монако" вакили Орельен Тчуаменини сотиб олишни режалаштирмоқда.