Пляж футболи: Бахтиёр Намозов ЖЧ-2013 финал босқичи ўйинларида ҳакамлик қилмоқда

Пляж футболи бўйича ўзбекистонлик ФИФА рефериси Бахтиёр Намозов 18 сентябрь куни Таити мамлакатида старт олган ЖЧ-2013 финал босқичи ўйинларини бошқариш учун ФИФАдан расмий таклиф олган эди. Таъкидлаш жоиз, Намозов пляж футболи мусобақаларида ўзбекистонлик ягона ФИФА рефериси ҳисобланади. Эслатиб ўтамиз, Бахтиёр Намозов шу йилнинг январь ойида Қатарда бўлиб ўтган пляж футболи бўйича Осиё чемпионати баҳсларида ҳам ишлаган эди.

Таъкидлаш жоиз, ўзбекистонлик ФИФА рефериси Таитида старт олган жаҳон чемпионати баҳсларининг 1-туридан ўрин олган Парагвай - Кот д‘ Ивуар терма жамоалари ўртасидаги учрашувда бош ҳакам сифатида ишлашга улгурди. Ушбу учрашувда Парагвай терма жамоаси 10:6 ҳисобида ғалаба қозонган.

Маълумот ўрнида, пляж футболи бўйича ЖЧ-2013 финал босқичи ўйинларида барча қитъалардан ташриф буюрган 16 та терма жамоа иштирок этади.