Latest news

02:33ЛаЛига. "Атлетико" ва "Бетис"дан йирик ғалабалар  0 01:58"Милан"нинг Италия Кубоги финалидаги рақиби аниқ бўлди  1 01:00Паслар даҳоси: Хавининг Эл-Класикодаги энг яхши 5 ўйини  3 00:39Райан Гиггз Роналдунинг МЮдаги илк йилларини эслади  6 00:11Бернарду Силва: "У "Манчестер Сити" тарихидаги энг яхши футболчи"  0 23:47"Реал" Винисиуснинг ўрнига футболчи топиб қўйган  5 23:18ЛаЛиганинг апрель ойидаги энг яхши футболчиси маълум қилинди  2 22:53"Бухоро" — "Машъал" учрашуви қаерда бўлади?  3 22:35"Арал" Про-лигада ўз майдонида сўнгги марта қачон мағлуб бўлганди?  0 22:04"Олимпик" илк ғалабасини Қорақалпоғистонда қайд этган ўйиндан ГАЛЕРЕЯ  0 21:46Винисиус Роналду каби маош олишни истамоқда  20 21:17Анри Бундеслигада иш бошлаши мумкин  1 20:52Неъматилло Қуттибоев: "Футболчилар ўйин бошланишидан олдин ғалаба қозондик деган кайфиятда майдонга тушишди"  1 20:22"Реал" "янги Криштиану Роналду"га қизиқмоқда  6 20:02Бинтсиз тез ёрдам, қулфланиб қолган эшик, кечиккан суҳандон - ПФЛ 3 клубга жарима солди  6

Пляж футболи бўйича Осиё чемпионати тугади. Эрон – чемпион! News

Пляж футболи бўйича Осиё чемпионати тугади. Эрон – чемпион!

ОФКнинг яна бир мусобақаси, XI бор ўтказилган пляж футболи бўйича Осиё чемпионати ўз якунига етди.

Мазкур турнир бу сафар Таиландда ташкил этилиб, 20-30 март оралағида ўтказилди. Мусобақа якунларига кўра, учта жамоа пляж футболи бўйича Жаҳон чемпионати йўлланмасини қўлга киритди.

Осиё чемпионатига ўтган йилнинг 19 декабрь куни қуръа ташланган бўлиб, 16 та терма жамоа тўрттадан тўрт гуруҳга бўлинганди. Гуруҳ ўйинлари якунига кўра, иккитадан жамоа кейинги босқичга йўл олди.

"A" гуруҳи: Таиланд Ливан, Кувайт, Ҳиндистон.

"B" гуруҳи: Япония, Саудия Арабистони, Хитой, Ироқ.

"C" гуруҳи: Эрон, БАА, Индонезия, Афғонистон.

"D" гуруҳи: Ўмон, Баҳрайн, Малайзия, Вьетнам.

Мусобақа регламентига кўра, ўйиннинг асосий вақтида ғалаба қознган жамоага 3 очко, қўшимча таймда ютган жамоага 2 очко ҳамда пенальтилар сериясида зафар қучган жамоага 1 очкодан берилди.

26-27 март кунлари бўлиб ўтган 1/4 финал ўйинларида қуйидаги натижалар қайд этилди:

Таиланд - Саудия Арабистони 3:4

Эрон - Баҳрайн 11:0

Ўмон - БАА 7:2

Япония - Ливан 8:3

29 март куни 1/2 финал учрашувлари ўтказилди:

Саудия Арабистони - Эрон 0:6

Ўмон - Япония 3:2

Ва ниҳоят кеча, 30 март куни мусобақанинг 3-ўрин учун баҳси ҳамда ҳал қилувчи финал учрашуви бўлиб ўтди.

3-ўрин учун баҳс. Саудия Арабистони - Япония 1:3

Финал. Эрон - Ўмон 8:1

Албатта, мусобақанинг кутилмаган сенсацияси ярим финалдан ўрин олган Ўмон - Япония учрашувида рўй берди. Биламизки, Япония терма жамоаси пляж футболи бўйича кучли ўйин намойиш этади ҳамда бунгача уч марта (2009, 2011, 2019) Осиё чемпионлигини қўлга киритган. Лекин улар кутилмаганда Ўмонга мағлуб бўлиб, финалга чиқа олишмади.

Ўз тарихида бир бор Осиё чемпиони бўлган (2015 йил) Ўмон бу сафар финалга чиққани билан жуда кучли Эронга 1:8 ҳисобида мағлуб бўлди. Шундай қилиб, Эрон миллий терма жамоаси 2013, 2017, 2023 йиллардан сўнг 2025 йилда ҳам Осиё чемпионлигини қўлга киритди ва энг кўп соврин ютган жамоага айланди. 

Финал учрашуви якунига етгач, ғолиб ва совриндорларни тақдирлаш маросими ўтказилди. Эрон терма жамоаси дарвозабони Сеедмаҳди Миржалили "Энг яхши дарвозабон" деб топилган бўлса, яна бир форс футболчиси Али Миршекари "Мусоақанинг энг яхши ўйинчиси" деб топилди.


Якунда Эрон, Ўмон ва Япония пляж фтуболи бўйича Жаҳон чемпионатида ҳам иштирок этадиган бўлди. ФИФАнинг ушбу мусобақаси 1-11 май кунлари Сейшель оролларида бўлиб ўтади. Жаҳон чемпионатида ҳам 16 та терма жамоа иштирок этади. Ҳозирги пайтга келиб барча жамоалар маълум бўлиб улгурган. 

ОФК (3 та ўрин) - Эрон, Япония, Ўмон.

Африка (мезбон + 2 та ўрин) - Сейшель ороллари, Мавритания, Сенегал.

Шимолий Америка (2 та ўрин) - Эл Салвадор, Гватемала. 

Жанубий Америка (3 та ўрин) - Бразилия, Парагвай, Чили.

Океания (1 та ўрин) - Таити.

Европа (4 та ўрин) - Беларусь, Италия, Португалия, Испания. 

Жаҳон чемпионати қуръаси тез орада ташланиши маълум қилинган. Мундиал Adidas CNXT25 PRO BCH тўпларида ўйналади. Амалдаги жаҳон чемпиони Бразилия терма жамоаси ҳисобланади.

"Ўзбекистон терма жамоаси нима учун пляж футболи бўйича Осиё чемпионатида қатнашмади?", деган саволга бизда аниқ жавоб йўқ. Фақат шуни айтишимиз мумкин, вакилларимиз 2013 йилги қитъа биринчилигида иштирок этиб, гуруҳда Эрон ва БААдан сўнг 3-ўринни олишганди. Яна шуни қўшимча қилишимиз мумкин, шу пайтгача пляж футболи бўйича Осиё чемпионати 11 марта ўтказилган бўлса, шундан 6 тасида Ўзбекистон иштирок этган.


Хайрулла Холиқов

Rating: +6   

Comments

+2   
31 mar 11:41:18
Davlat
Mazza bo'lsa kerak-a, ham futbol ham plyaj :)
+1   
31 mar 12:41:28
International
O'zbekistonda dengiz bo'masa sohil futboli qattan bo'ladi? Bu sport turi rivojlanishi uchun sharoit yo'q, terma jamoa tuzib pul sarflashga arzimidi.
   
31 mar 19:47:54
Bahodir Ergashev
Plyaj futboli uchun dengiz bo'lishi kk. Keremas bizga, futbol bn futzal yetadi. Botqoq futboli, asfalt futboli, muz futboli kabilar ortiqcha rasxod holos
   
31 mar 15:49:06
Timuri Mars
Эрон молодец.. форсларни футболни хамма йуналищида тенгсиз
   
31 mar 12:31:47
xojayli
Tabriklayman
   
31 mar 11:56:02
Odilbek Abdushukurov
Uramizmi sohil futbolini. Katta futbol yetadi.
   
31 mar 11:34:23
Bekzod Sharipov
Qachon boshlangandi)
championat.asia
< show latest news
Яндекс.Метрика