Latest news

21:23"Ливерпуль" яна бир супер трансферни ҳал қилишга яқин  0 20:51Расман: "Қўқон-1912" яна икки нафар футболчини ўз сафига қўшиб олди  0 20:38Расман: Маҳмуд Маҳамаджонов мавсумнинг иккинчи қисмини "Динамо"да ўтказади  0 20:25Расман: Аббосбек Файзуллаев - "Истанбул Башакшехир" футболчиси!  8 20:06Ўртоқлик ўйни. "Ливерпуль" японларни мағлуб этди  1 19:55Футзал. ОКМК икки нафар бразилиялик футзалчилар билан шартнома имзолади  2 19:25Илк ўйинида уйига йиғлаб кетган, 15 ёшида терма жамоада дебют қилган ҳамда самолётда шуғулланган "Нефтчи" ҳужумчиси Сильванус Нимели билан яқиндан танишамиз  8 19:01"Неом" "Монако" футболчисини харид қилмоқчи  0 18:38Расмий хабар: Шоҳрух Гадоев иккинчи даврани "Қўқон-1912"да ўтказади  0 18:09Расмий хабар: "Насаф" Нигерия терма жамоаси собиқ футболчисини ўз сафига қўшиб олди  4 17:30Расман: "Қўқон-1912" 4 нафар футболчи билан хайрлашди  0 17:09Расман: "Сурхон" собиқ футболчиси "Қизилқум" билан шартнома имзолади  0 16:07Расман: Шоҳруз Норхонов — "Қизилқум" футболчиси  4 15:25Расман: "Олимпик" собиқ футболчиси "Сурхон"га ўтди  1 15:10Суперлига. Ёзги трансферлар барчаси битта саҳифада. Сўнгги кунларда кимда қандай ўзгариш?  35

Матбуот анжумани. Питер Хюистра: "Пахтакор" плей-офф босқичига тайёр" News

Матбуот анжумани. Питер Хюистра: "Пахтакор" плей-офф босқичига тайёр"

Осиё чемпионлар лигаси 1/8 финали доирасидаги "Пахтакор" - "Истиқлол" учрашувидан олдинги матбуот анжуманида Питер Хюистра ва Анзур Исмоилов иштирок этишди.

- Эртанги баҳсга қандай тайёргарлик кўрилди?
Питер Хюистра: - Гуруҳ босқичини якунладик, кейинги босқич битта ўйиндан иборат бўлади. Биз бунга тайёрмиз. Барчасини ўйин кўрсатиб беради.

- Шота Арвеладзенинг ҳолати қандай?

Питер Хюистра: - Бахтимизга у ўзини яхши ҳис қилмоқда. У изоляцияда. Ўтган ўйинни таҳлил қилдик ва навбатдаги баҳсга тайёргарлик кўряпмиз. Барчаси яхши бўлишига ишонамиз. Шота дастлабки кунлари бироз ўзини ёмон ҳис қилди, ҳозирда эса барчаси ортда қолди ва ёш ҳамда ишга чанқоқ.

- Футболчиларнинг барчаси эртанги баҳсга тайёрми?

Питер Хюистра: - Комилов иккита сариқ карточка туфайли эртага майдонга туша олмайди. Қолган барча футболчилар ўйинга тайёр.

- Эртага сизни "Истиқлол", жисмонан кучли бўлган жамоага қарши ўйнайсизлар. Бу ўйинга қандай тайёргарлик кўрдинглар?
Анзур Исмоилов:
- Гуруҳдан чиққанимиздан хурсандмиз. Бизни олдинда оғир ўйинлар ва ҳақиқий кураш кутмоқда. Мухлислар ва кўплаб инсонлар “Пахтакор”дан ғалаба ғалаба кутишмоқда. Мақсадимиз фақат ғалаба қозониш. Рақибни яхши биламиз, ўрганиб чиқдик. Бизга қийин бўлади. Ғалаба қозонишимиз кераклигини тушуниб турибмиз. Жамоамиз эртанги ўйинга тайёр. Майдонга фақат ғалаба учун чиқамиз.

Питер Хюистра: - "Пахтакор" жисмонан кучсиз деб ўйламанглар. Биз ҳам икки йилдан буён бу борада меҳнат қиляпмиз. Бу борада ўзимизга ишонч катта



- Сиз матбуот анжуманида ўзингизга жуда ҳам ишонч билан ўтирибсиз. Футболчилар ҳам ўзларига ишонишяптими?
Питер Хюистра: - Ҳа биз ўзимизга ишонамиз. Бу йигитлар билан ҳар куни бирга ишлайман ва уларнинг имкониятини яхши биламан.

- "Истиқлол" сўнгги ўйинларда иккинчи қаватда устунликка эга бўлиб голлар урмоқда. Марказий ҳимоячи сифатида сиз ва Егор Кримец бунга алоҳида тайёргарлик кўраяпсизларми?
Анзур Исмоилов
: - Тўғри, рақиб сафида иккинчи қаватда яхши ўйнайдиган футболчилар бор. Биз ҳам шунга яраша тайёргарлик кўрдик. Жамоамиздаги футболчилар бир-бирини яхши тушунади.



- "Пахтакор" 10 йил деганда илк бора гуруҳдан чиқишга эришди. Шунча вақт нима учун гуруҳдан чиқа олмаган деб ўйлайсиз? Ўзбекистон терма жамоаси ва клублари нима учун халқаро мусобақаларда ғолиб бўла олмаяпти?
Питер Хюистра: - Охирги йилларни қарасангиз бизда пасайиш бўлди. Лекин икки йил олдин Ўзбекистон U-23 терма жамоаси Осиё чемпиони бўлганди. Ўша жамоанинг кўплаб аъзолари ҳозир "Пахтакор"да ўйнашмоқда. Ўша мусобақадан кейин футболчилар янада кучайишди. Бу футболчилар янги даврни бошлаб беришмоқда. Дастлабки мақсадимиз гуруҳдан чиқиш эди, бу вазифа уддаланди. Энди навбатдаги рақибни мағлуб этишни истаймиз.

- "Пахтакор" 10 йил деганди гуруҳдан чиқди. Ўша таркибда сиз ҳам бор эдингиз. Ичингиздан қандайдир ҳиссиётлар ўтдими?
Анзур Исмоилов: -
Албатта, 10 йил олдин таркибда эдим. Мен ҳам, жамоа ҳам ёш эди. Ҳозир анча вақт ўтди. Бу мен учун сўнгги имконият бўлиши мумкин. Айни пайтда мен ҳам, клуб ҳам анча тажрибали.


Rating: +46   

Comments

championat.asia
< show latest news
Яндекс.Метрика