PippoGOAL: "Милан"нинг сафари бугун бошланади

Италия чемпионатининг ўтган мавсумида кумуш медалларга эгалик қилган "Милан" мусобақадаги иштирокини бугун бошлайди. "Россонерилар"нинг дастлабки турдаги рақиби "Сампдория". Аксар катта жамоалардан фарқли равишда ёзда "Милан"нинг мураббийлар постида ўзгариш рўй бермади. Стефано Пиоли ўз ишини давом эттирмоқда. Жамоага ўз фалсафасини сингдираётган мутахассис қўл остидаги барча футболчиларни яхши танийди.  

Ёдингизда бор, клубнинг ўтган йилги старти бутун Европани шокка тушириб қўйганди. Аммо, тан олиш қийин бўлса-да, ортиқ бунинг иложи йўқ. Чунки энди ҳеч ким "Россонери"ни менсимай майдонга тушолмайди, барча унинг нималарга қодирлигини билиб олди. Шу туфайли 2020-21 йилги мавсум старти олдингиси каби ёрқин бўлишини кутиш хато бўлиши мумкин.

"Сампдория" осон рақиб эмас, лекин "Милан"нинг 3 очколи бўлиши эҳтимоли юқори. Генуя клубида Клаудио Раньерини алмаштирган Роберто Д’Аверса қурган жамоага олдиндан баҳо бериш бироз мушкул. Кўп эҳтимол билан Фабио Квальярелланинг етакчилик мавқейи сақлаб қолинади. Тажрибали форвард А Сериянинг ўтган мавсумида 13 гол билан "Сампдория"нинг энг яхши тўпурари бўлганди.

Жанлуижи Доннарумма ва Чалҳаноглу кетди. Франк Кессье ҳамда Златан эса жароҳат туфайли сафда эмас. Демак, "Милан" "Сампдория" қаршисига ўтган мавсумдаги 4 етакчисиз чиқади. Браим Диасни ҳужумчи ортида ўйнатиш эса таваккалдан бошқа нарса эмас. Янгиларнинг расмий ўйинларда ўзини қандай кўрсатиши ҳам сўроқ остида турибди. Тўғри, Оливье Жиру расмий дебютида ўзини яхши томондан кўрсатишини кўпчилик кутяпти. Аммо, ишлар тескарисига кетса ҳам, ҳеч ким ажабланмайди.

Статистика

1. "Милан" А Сериянинг сўнгги 5 ўйинида ўз дарвозаси даҳлсизлигини сақлаб қолган.

2. "Сампдория" Италия чемпионатининг сўнгги мавсумида турнирни голсиз мағлубият билан бошлаган.

3. "Милан" одатда чемпионатнинг дастлабки турини меҳмонда ўтказса, муваффақиятсизликка учрайди. Сўнгги 5 ўйиннинг 4 тасида мағлубият қайд этилган.

4. "Сампдория" 4 ўйиндан бери "Милан"ни енголмаяпти (2 тадан мағлубият ва дуранг).

Тахминий таркиблар

Сампдория: Аудеро – Бережиньски, Феррари, Колли, Ауджелло – Торсбю, Экдаль/Силва – Кандрева, Габбьядини, Дамсгор – Квальярелла

Милан: Меньян – Калабрия, Кьер, Томори, Эрнандес – Беннасер, Тонали – Салемакерс, Диас, Ребич – Жиру

Жароҳат олганлар: Ибрагимович ва Кессье

Дисквалификация: —

Маълумот учун, Генуядаги баҳс Тошкент вақти билан 23:45'да старт олади.

Sampdoria

Serie A . Round 1 24/08/2021, 00:45 1 : 0 Finished

AC Milan Brahim Diaz - 9'

Stadium: Stadio Luigi Ferraris, 5000 spectators

Referee: Marco Guida

45'

90'

33'  Manolo Gabbiadini

71'  Tommaso Augello (Nicola Murru)

71'  Manolo Gabbiadini (Valerio Verre)

86'  Albin Ekdal (Adrien Silva)

89'  Nicola Murru

90'  Bartosz Bereszynski

9'  Brahim Diaz

9'  Davide Calabria

69'  Brahim Diaz (Ismael Bennacer)

69'  Rafael Leao (Ante Rebic)

81'  Alexis Saelemaekers (Alessandro Florenzi)

86'  Simon Kjaer

88'  Davide Calabria (Alessio Romagnoli)

Open in Match Center

Нима учун А Серияни томоша қилишингиз керак?