Пике “Реал” устидан қозонилган йирик ғалабани эсга олди. Касильяс унга жавоб қайтарди

Бундан роппа-роса 11 йил илгари “Барселона” сафарда – “Сантьяго Бернабеу”да қаймоқранглилар устидан йирик 6:2 ҳисобида ғалаба қозонганди. Ўшанда мадрдиликлар дарвозасига киритилган олтинчи голга Жирар Пике муаллифлик қилганди.

Пике “11 йил” дея ёзиб, ушбу ўйиндан олинган видеокадрни ўзининг Твиттердаги саҳифасига жойлади. 

Каталонияликлар вакилига ўша пайтда “Реал” дарвозасини қўриқлаган Икер Касильяс дарҳол жавоб қайтарди.

“11+2=13” дея ёзиб “Реал”нинг ЕЧЛдаги 13 та ғалабасига шаъма қилди Касильяс.

Айни пайтда Пикенинг пости 34,4 мингта “лайк” тўплаган бўлса, Касильясни қайди 32,9 минг кишига ёққан.