Перес ва Чеферин ЧЛ финали олдидан тантанали кечки овқатга ташриф буюришди. ПСЖ президенти таклифга қарамай, келмади

Кеча Луврда "Реал" ва "Ливерпуль" ўртасидаги Чемпионлар Лигаси финали олдидан УЕФА томонидан ташкил этилган тантанали кечки овқат бўлиб ўтди.

Тадбирга бошқалар қатори "Реал" президенти Флорентино Перес ва УЕФА раҳбари Александр Чеферин келишди. Перес кечки овқатга 20 дақиқа, Чеферин эса 2 дақиқа кечикди.

Учрашувга таклиф этилганига қарамай, ПСЖ президенти ва Европа клублари ассоциацияси раҳбари Носир Ал Хелайфи келмади.

Тадбирга шунингдек "Реал" собиқ мураббийи Фабио Капелло, "Реал" собиқ ўйинчилари Луиш Фигу ва Предраг Миятович, "Ливерпуль" собиқ ҳужумчиси Иан Раш ва Испания қироллик футбол федерацияси (RFEF) президенти Луис Рубиалес ташриф буюришди.