Суперлига. Бўлинишда “Навбаҳор” ва “Қизилқум” пешқадам

Жамоалар нисбатан каттароқ танаффусга чиқишди. Улар кўп тер тўкишди, тақвимдаги қийинчиликларга чидай олишди. Ташқаридан айтилаётган гаплар ўз йўлига, ҳозирги интилиш сақлаб қолинса ва молиявий қийинчиликнинг сунъий ташкил этилаётгани барҳам топса, чемпионат 2019 йил икки карра қизиқарлироқ бўлади. Шунингдек, жўжаларни санайдиган кузда ҳам даҳшатли ўйинлар кутиб турганини унутмаслик керак.

Чемпионлик йўлида

Форматга кўра, жамоаларни тенг иккига тақсимладик. Дастлабки олти клуб орасида энг кўп очко ишлагани барибир “Навбаҳор” бўлиб турибди. Бироқ унутмаслик керак, жадвал 22-турдан кейин ҳам шундай қолса, наманганликлар шу клублар билан яна икки мартадан майдонга тушиб чиқиши керак бўлади. Хуллас, осон эмас бу майдон ичра турмоқ. 

Жон сақлаш йўлида

“Қизилқум” ва “Сўғдиёна”нинг ўзига келиши, қуйидагича манзара ҳосил қилган. Бироқ бу ҳам ҳали ҳаммаси эмас. Вазият шундай қолишда давом этса, улар “Насаф”, “Қўқон-1912” ва мураббийи ўзгарган АГМК билан яна икки мартадан майдонга тушиб чиқиши керак бўлади. “Нефтчи” катта фарқ билан ортда эканини инобатга олмаса, Про-Лигага сургун бўлмаслик йўлидаги кураш ҳам чемпионлик рақобатидан кам бўлмаслиги катта эҳтимол. 

Хуллас, чемпионатнинг қаймоғи ҳали олдинда. Ҳозирча эса мундиал беллашувларидан роҳатланиб турамиз. Футболчилар ҳам, мураббийлар ҳам, мухлислар ҳам, хуллас ҳаммамиз Жаҳон Чемпионатини кўрайлик, ҳавас қилайлик, ўрганайлик ва изланайлик. Танаффус шунинг учун ҳам керак эди. Яхши дам сизга ҳамдам бўлсин!