Latest news

16:17"Сити" афсонаси жамоадан кетаётганини эълон қилди!  0 15:59Португалиялик футбол агенти Файзуллаевнинг "Бенфика"га трансфери масаласида фикр билдирди  4 15:37Бруну 5-марта ва 2020 йилдан бери илк бор АПЛда ойнинг энг яхши футболчиси бўлди  2 15:16Пьянич: "Аббос Файзуллаев "Барселона"га ўтишни истаса, ўз орзусига ишониши ва у томон интилиши лозим"  5 14:55Нойер қайтди!  0 14:29Давид Алаба рақобат туфайли "Реал"ни тарк этиши мумкин  4 14:02Флик Эрик Гарсияни "Барселона"да қолишга кўндирган  0 13:34Компани кейинги мавсумда Мюллерни "Бавария" таркибида кўрмаяпти  4 13:03Суперлига = "Автобуслар лигаси"  7 12:37Суперлига. 4-тур дисквалификациялари: "Навбаҳор" ва "Андижон" 1 нафардан йўқотишга эга  0 12:23Айбек Нурбаев: "Ўз хатоларимиз эвазига голлар ўтказиб юбордик"  1 12:11Неъматилло Қуттибоев: "Йирик ҳисобда ғалаба қозонган бўлсак ҳам камчиликларимиз йўқ эмас"  0 11:50Афсонавий Кафу Қозоғистонга келди  3 11:20ФИФА президенти Клублар ўртасидаги ЖЧнинг 32-жамоаси қачон аниқ бўлишини маълум қилди  4 10:47«Рома» афсонаси АПЛ жамоасини бошқариши мумкин  0

"Пахтакор"нинг собиқ устози, Европа чемпиони, Копа Американи ютган мутахассис ва Эктор Купер. Осиё Кубогидаги барча мураббийлар ҳақида News

"Пахтакор"нинг собиқ устози, Европа чемпиони, Копа Американи ютган мутахассис ва Эктор Купер. Осиё Кубогидаги барча мураббийлар ҳақида

ОФК Осиё Кубогида иштирок этувчи барча терма жамоаларнинг қайдномасини эълон қилди.

Биз эътиборимизни бош мураббийларга қаратдик. Демак, дастлаб қайси жамоада ким бош мураббий эканини эслатиб ўтамиз:

Австралия - Грэм Арнольд (Австралия)
Баҳрайн - Хуан Антонио Пицци (Аргентина)
Хитой - Александар Янкович (Сербия)
Гонконг - Йорн Андерсен (Германия)
Ҳиндистон - Игорь Штимац (Хорватия)
Индонезия - Шин Таэ Йонг (Корея Республикаси)
Ироқ - Хесус Касас Гарсия (Испания)
Эрон - Амир Галенои (Эрон)
Япония - Хажиме Мориясу (Япония)
Иордания - Ҳуссайн Аммута (Марокаш)
Корея Республикаси - Юрген Клинсманн (АҚШ)
Қирғиз Республикаси - Штефан Таркович (Словакия)
Ливан - Миодраг Радулович (Черногория)
Малайзия - Ким Пан Гон (Корея Республикаси)
Ўмон - Бранко Иванкович (Хорватия)
Фаластин - Макрам Дабуб (Тунис)
Қатар - Бартоломе Тинтин Маркес (Испания)
Саудия Арабистони - Роберто Манчини (Италия)
Сурия - Эктор Купер (Аргентина)
Тожикистон - Петар Сегрт (Хорватия)
Таиланд - Масатада Ишии (Япония)
БАА - Пауло Бенту (Португалия)
Ўзбекистон - Сречко Катанец (Словения)
Вьетнам - Филипп Труссье (Франция)

Осиё Кубогида энг кўп мураббий Хорватиядан бўлади. Ҳиндистон, Ўмон ва Тожикистон устозлари Хорватия паспорти билан рўйхатдан ўтишган. Юқоридаги рўйхат айнан ОФКга тақдим этилган паспортлар бўйича келтирилган. Масалан, Юрген Клинсманн германиялик эканини барчамиз биламиз, бироқ у Осиё Кубогида АҚШ паспорти билан рўйхатдан ўтган. Худди норвегиялик Йорн Андерсен Германия паспорти билан қайд этилганидек.

Давлатлар бўйича
Хорватия - 3
Корея Республикаси - 2
Аргентина - 2
Испания - 2
Япония - 2

Қитъалар бўйича
Европа - 13
Осиё - 6
Африка - 2
Жанубий Америка - 2
Шимолий Америка - 1

- Фақат учта терма жамоада маҳаллий мураббий ишламоқда: Япония, Австралия ва Эрон.

- Ҳозир ишлаётганлар орасида Вьетнам бош мураббийи Филипп Труссье бунга қадар Осиё чемпиони бўлган ягона мутахассис ҳисобланади. Франциялик мураббий 2000 йилда Японияни чемпион қилганди. Орадан 24 йил ўтиб, Труссье яна Осиё Кубогини қўлга киритишга уриниб кўради.




- Осиё Кубогида ишлайдиган мураббийлар орасида энг ёши улуғи 69 ёшли Бранко Иванкович ҳисобланади. Ҳозирги кунда Ўмон бош мураббийи сифатида ишлаётган хорватиялик мутахассис 28 февраль куни 70 ёшга тўлади.

- Энг ёш мураббий эса Ироқ устози Хесус Касас. Испаниялик мутахассис 23 октябрь куни 50 ёшга тўлган.

- Ўзбекистон миллий терма жамоаси устози Сречко Катанец 1963 йил 16 июль куни туғилган ва айни пайтда 60 ёшда.

- Мураббийлар орасида ўзбек футбол мухлисларига жуда яхши таниш бўлганлар ҳам бор. Ливан бош мураббийи Миодраг Радулович 2010 йилда бир неча ой давомида "Пахтакор" клубида ишлаганди. Сурия устози Эктор Купер эса 2018-2019 йилларда Ўзбекистон миллий терма жамоасини бошқарган.




- Саудия Арабистони бош мураббийи Роберто Манчини Европадаги фаолияти орқали мухлисларга яхши таниш. У яқиндагина Италия терма жамоасини Европа чемпиони қилганди. Корея Республикаси устози Юрген Клинсманн эса 2006 йил Германия билан Жаҳон чемпионати бронза медалини қўлга киритганди. Баҳрайн устози Хуан Антонио Пицци эса 2016 йилда Чили билан бирга Копа Америка финалида Аргентинани таслим қилган.

- Осиё Кубогида ишлайдиган мураббийлар орасида икки нафар мутахассис 2018 йилдан буён шу терма жамоада ишлаб келишмоқда. Булар Грэм Арнольд (Австралия) ва Хажиме Мориясу (Япония). Маълумот учун, Сречко Катанец 2021 йил август ойида Ўзбекистон миллий терма жамоасида иш бошлаган.

- Миодраг Радулович 2023 йилнинг 11 декабрь куни Ливан бош мураббийи этиб тайинланди. Яъни унда терма жамоани Осиё Кубогига тайёрлаш учун бир ой вақт бўлди холос. Қатар футболи раҳбарлари Карлуш Кейрушни истеъфога чиқаргач, 2023 йилнинг 6 декабрь куни Тинтин Маркесни бош мураббий этиб тайинлашди.




- Ўзбекистон миллий терма жамоаси устози Сречко Катанец учинчи марта Осиё Кубогида ишлайди. 2011 йилда мураббий БАА терма жамоасини бошқарган ва гуруҳдан чиқа олмаганди. 2019 йилда Ироқ билан гуруҳдан чиқиб, нимчорак финалда бўлажак Осиё чемпиони Қатарга ютқазиб қўйганди.

Rating: +7   

Comments

championat.asia
< show latest news
Яндекс.Метрика