“Пахтакор” халқаро майдонда 100-ўйинини ўтказади

Ҳозиргача жамоамиз Осиё клублари мусобақаларида 99 ўйинда майдонга тушиб улгурди. Шулардан 83тасида Чемпионлар лигасининг ҳозирги форматида, қолган 16 беллашувни Осиё клублари чемпионати ва Кубок эгалари Кубогида ўтказган. 43 ўйинда зафар қучган “шерлар” 18 марта дуранг ўйнашган ва 38 учрашувда рақибнинг қўли баланд келган. Рақиблар дарвозаларига 158 тўп киритилиб, 143 бор тўп ўтказиб юборилган. Бу кўрсаткич борасида “Пахтакор” Ўзбекистон клублари орасида пешқадамга айланган ва юзлик маррани биринчи бўлиб кесиб ўтади.