"Пахтакор" ва "Насаф" ОЧЛ гуруҳ босқичида қанча маблағ ишлаб олди?
29 apr 2022 11:34
News

"Пахтакор" ва "Насаф" ОЧЛ гуруҳ босқичида қанча маблағ ишлаб олди?

Ўзбек клубларининг жорий мавсум ОЧЛ гуруҳ босқичидаги иштироки якунига етди.

"Пахтакор" 6 очко билан квартетда сўнгги ўринни эгаллаган бўлса, "Насаф" 9 очко жамғарган ҳолда кейинги босқичга йўлланма олди. ОФК ҳар мавсум одатига кўра иштирокчи жамоаларнинг натижаларига қараб пул маблағлари билан таъминлайди.

ОЧЛ регламентининг 2021 йилдаги ҳолатига кўра иштирокчи жамоаларни пул маблағлари билан мукофотлаш қуйидагича кўриниш олган.

Босқич	Маблағ (АҚШ доллари)	Сафар харажатлари (Ҳар бир ўйин учун АҚШ долларида)
Ўтиш ўйини	Йўқ	30 000
Плей-офф	Йўқ	30 000
Гуруҳ босқичи	Ғалаба: 50 000 Дуранг: 10 000	45 000
Плей-офф	100 000	45 000
Чорак финал	150 000	45 000
Ярим финал	250 000	45 000
Финал	Чемпион: 4 000 000 Иккинчи ўрин: 2 000 000	90 000

Шунда "Пахтакор" гуруҳ босқичида қозонган 2та ғалабасига жами 100 000 доллар ишлаб олганини кўришимиз мумкин. Регламентда айтиб ўтилганидек сафар харажатлари учун 45 000 доллар маблағ ажратган.

Натижаларни яна бир бор эслатиб ўтамиз

"Пахтакор" - "Сепахон" 1:3

"Ал Таавон" - "Пахтакор" 0:1

"Ал Дуҳаил" - "Пахтакор" 3:2

"Пахтакор" - "Ал Дуҳаил" 0:3

"Сепахон" - "Пахтакор" 2:1

"Пахтакор" - "Ал Таавон" 5:4

"Насаф" эса гуруҳда 2та ғалаба, 3та дуранг, 1та мағлубият натижа билан юртимизга қайтди. Барчасини қўшганда 130 000+45 000 (сафар харажатлари) доллар маблағга эга бўлди. Натижалар билан яна бир бор таништириб ўтамиз.

"Ал Садд" - "Насаф" 1:1

"Насаф" - "Ал Виҳдат" 2:0

"Насаф" - "Ал Файсали" 0:1

"Ал Файсали" - "Насаф" 0:0

"Насаф" - "Ал Садд" 3:1

"Ал Виҳдат" - "Насаф" 2:2

Яна бир маълумот клубларнинг меҳмонхонада истиқомат қилиши билан боғлиқ сарфларини ОФК тўлади. Шунингдек, клуб ҳисобига яна 100 000 доллар келиб тушади, лекин бу пуллар кейинги йилда тақдим қилинади.