"Пахтакор": Стадионга ташриф буюринг ва I Phone 5 ютиб олинг

"Пахтакор" ўша куни Олмалиқнинг "Олмалиқ" жамоасига қарши майдонга тушади. Игорь Шквирин шогирдлари мавсумни яхши бошлашди. Сафарда "Бунёдкор"дан очко олишга эришган жамоа 4 ўйиндан сўнг 8 очко тўплаб, пешқадамлар сафида бормоқда.

"Пахтакор" футбол клуби ишқибозларга стадионда қулайлик туғдириш учун барча имкониятларни ишга солмоқда. Жумладан, "Пахтакор" - "Олмалиқ" баҳсига ташриф буюриб, турли эсдалик совғаларни ютиб олиш имкониятига эга бўласиз. Чипталарни харид қилиш билан "Омадли мухлис" совринли ўйини иштирокчисига айланасиз. Стадионга ташриф буюрган ишқибозларда "Пахтакор" тарихи ҳақидаги китоблар, клуб рамзи туширилган шарф ва бошқа атрибуткалар, DVD плеер, 2 дона LED телевизорлари ва 2та I Phone 5 уяли телефони ютиб олиш имконияти юзага келади. Шунингдек, ўйин давомида стадионда турли салқин ичимликлар ва озиқ-овқат маҳсулотлари йўлга қўйилади. Стадионда мухлислар учун барча қулайликлар яратилади. Чипталарни "Пахтакор" Марказий стадиони кассаларидан харид қиласиз. Чипта нархлари 2000 сўмдан қилиб белгиланган.

"Пахтакор" - "Олмалиқ" учрашуви 12 апрель, шанба куни "Пахтакор" Марказий стадионида соат 17:30да бошланади. Мухлисларни стадионга чорлаб қоламиз. "Пахтакор"ни қўллаб-қувватланг ва совғалар ютиб олинг!