"Пахтакор" сафарда "Шўртан"ни мағлуб этди

Ғузордаги беллашувда Мурод Исмоилов деярли оптимал таркибдан фойдаланиш имкониятига эга бўлди. Ҳужум чизиғида бу сафар Абдухолиқовни танлаган мураббийимиз ўнг қанот ярим ҳимоясида Махситалиевни майдонга туширди. Мезбонлар устози Зоир тўрақулов ҳам ёш футболчиларга эътибор қаратаётганини таъкидлаш жоиз. Дастлабки дақиқаларда устунлик жамаомиз тарафида бўлди. Бунинг натижасида Қиличев Искандеровнинг тўп оширишидан унумли фойдаланиб, ҳисобни очди. 18-дақиқада Абдухолиқовнинг ҳаракатидан сўнг Махситалиев ўзини кўрсатди. Шу тариқа ҳисобни 0:2га етказган футболчиларимиз биринчи таймни хотиржам якунлашди.

Танаффусдан сўнг мезбонлар фаолроқ ҳаракат қила бошлашди. Бунинг самараси ўлароқ бўлим ўрталарида Абибуллаев ҳисобни қисқартирди. Шундан кейин "Шўртан" мувозанатни тиклаш умидида кескин ҳужумлар уюштиришга ўтди. Лобанов ва ҳимоячилар бехато ўйнаб, бунга йўл қўйишмади. Ғузорда муҳим уч очкога эришган "Пахтакор" 16 очко билан учинчи ўринга кўтарилиб олди.


«Шўртан» (Ғузор) – «Пахтакор» (Тошкент) 1:2 (0:2)

21 май. Ғузор. “Ғузор” стадиони.

Ҳакамлар: Р.Эрматов, А.Расулов, Ж.Саидов, Н.Мешков. 

Голлар: Қиличев, 4 - 0:1. Махситалиев, 18 - 0:2. Абибуллаев, 68 - 1:2.

«Шўртан»: Корнейчук, Алиқулов, Омонов, Соломин (Жумабоев, 58), Жўрабоев, Абибуллаев, Отахонов, Востриков, Раупов, Каримов, Тўраев (Фоменко, 72).

«Пахтакор»: Лобанов, Мерзляков, Исматуллаев, Миладинович, Ҳошимов, Махарадзе, Козак, Қиличев (Шарофетдинов, 60), Махситалиев, Искандеров, Абдухолиқов (Сергеев, 78).

Огоҳлантиришлар: Отахонов, 8. Соломин, 10. Миладинович, 62.

Назоратчи: Р.Серазетдинов.