"Пахтакор" мухлисларни стадионга чорлайди!

"Пахтакор" жорий мавсумдаги илк уй ўйинини Навоийнинг "Қизилқум" жамоасига қарши ўтказади. Юрий Лукин шогирдлари бу йил таркибни анча кучайтиришди ва беллашувнинг кескин ўтишига шубҳа йўқ.

"Пахтакор" футбол клуби ишқибозларга стадионда қулайлик туғдириш учун барча имкониятларни ишга солмоқда. Жумладан, "Пахтакор" - "Қизилқум" баҳсига ташриф буюриб, турли совғаларни ютиб олишингиз мумкин. Чипталарни харид қилиш билан совринли лотерея иштирокчисига айланасиз. Стадионга ташриф буюрган ишқибозларда "Пахтакор" тарихи ҳақидаги китоблар, клуб рамзи туширилган шарф ва бошқа атрибуткалар, велосипедлар ютиб олиш имконияти юзага келади. Шунингдек, ўйин давомида стадионда турли салқин ичимликлар ва озиқ-овқат маҳсулотлари йўлга қўйилади. Стадионда мухлислар учун барча қулайликлар яратилади. Чипталарни "Пахтакор" Марказий стадиони кассаларидан харид қиласиз. Чипта нархлари 1000 сўмдан қилиб белгиланган.

"Пахтакор" - "Қизилқум" учрашуви 29 март, шанба куни "Пахтакор" Марказий стадионида соат 17:00да бошланади. Мухлисларни стадионга чорлаб қоламиз. "Пахтакор"ни қўллаб-қувватланг ва совғалар ютиб олинг!