"Пахтакор": Иккинчи йиғин бошланди

Машғулотларда терма жамоа сафида Осиё Кубогида иштирок этадиган Егор Кримец, Жамшид Искандеров ва Игорь Сергеевдан ташқари барча футболчилар қатнашмоқда. Ҳужумчи Наврўз Олимов ҳам йиғинга қўшилди. Кахи Махарадзе эса шу ҳафтада Грузиядан Тошкентга қайтади ва машғулотларда иштирок этишни бошлаб юборади. Йиғин 13 январь куни якунланади ва 14 январда жамоамиз Туркиянинг Анталия шаҳрига ўқув-йиғин машғулоти учун жўнаб кетади. 8 январь куни "Динамо", 13 январда "Металлург" билан Қибрайда назорат ўйинлари бўлиб ўтади. Ҳар икки беллашув соат 12:00да бошланади.