"Пахтакор" Дрогбанинг ватандошига қизиқиб қолди
12 jun 2017 12:27
News

"Пахтакор" Дрогбанинг ватандошига қизиқиб қолди

Тошкентнинг "Пахтакор" клуби давралар оралиғида ўз сафига африкалик ҳужумчини қўшиб олмоқчи.

Беларусь чемпионатининг "Слуцк" клуби сафида ўйнаётган Сенин Себаи яқин вақт ичида Ўзбекистонга кўчиб ўтиши мумкин. Кот-ДИвуар мамлакатида туғилган Себаи ҳужумчи ҳисобланади. Ҳужумчи бу мавсум 11та ўйинда 4та гол уриб 5та голли пас берди. Таъкидлаб ўтамиз, ҳозирда у Беларусь чемпионатида гол+пас тизимида биринчи ўринда бормоқда.

Айни пайтда олий лигада икки нафар африкалик футболчи ўйнамоқда. "Локомотив" сафида Муҳаммад Коне ва Ньоре Кризо фаолият олиб боришмоқда.