"Пахтакор" - "Бунёдкор". "Қалдирғочлар" сафида иккита йўқотиш
31 jul 2021 09:37
News

"Пахтакор" - "Бунёдкор". "Қалдирғочлар" сафида иккита йўқотиш

Бугун Суперлиганинг 13-туридан ўрин олган "Пахтакор" - "Бунёдкор" учрашуви бўлиб ўтади.

"Бунёдкор" клуби матбуот хизмати бўлажак учрашув учун жамоа қайдномасини эълон қилди. Ундан Нурилло Тўхтасинов ва Суҳроб Иззатов ўрин олмаган.

Сабаби Тўхтасинов 12-турда "Сурхон" билан баҳсда мавсумдаги ўзининг тўртинчи сариқ карточкаси олганди. Регламентга кўра Нурилло битта ўйинни ўтказиб юбориши лозим. Суҳроб Иззатов эса 11-турда "Қизилқум" билан баҳсда тўғридан-тўғри қизил карточка олган ва камида 2та ўйинни ўтказиб юборишга мажбур.

Эслатиб ўтамиз, "Пахтакор" - "Бунёдкор" учрашуви бугун, 31 июль куни соат 20:00да "Пахтакор" стадионида бошланади. Карантин талабларига кўра ўйинга мухлислар киритилмайди.