"Пахтакор" бугун Тошкентда "Қайрат" билан ўйнайди

Ўзбекистон чемпиони, Тошкентнинг "Пахтакор" клуби янги мавсум бошланишидан олдин ўз майдонида халқаро ўртоқлик учрашуви ўтказади. Ушбу баҳсда "шерлар"га Қозоғистоннинг "Қайрат" жамоаси рақиблик қилади. 

Учрашув соат 17:00да "Пахтакор" стадионида бошланади. 

Маълумот учун, клублар бунгача ўзаро 50 марта тўқнаш келишган. "Қайрат" 21та баҳсда ғалаба қозонган, "Пахтакор" ҳисобида 18та ғалаба мавжуд, қолган 11та ўйинда дуранг қайд этилган. 

Бу жамоаларнинг охирги сўнгги расмий ўйини 1990 йилда СССР Биринчи лигаси 41-тури доирасида бўлиб ўтган ва ўшанда "Пахтакор" 2:1 ҳисобида ғалаба қозонган. 

Мавзуга алоқадор: "Пахтакор" 33 йилдан сўнг Тошкентда "Қайрат" билан ўйнайди