"Пахтакор-79" жамоаси аъзолари ёдга олинди
11 aug 2015 12:31
News

"Пахтакор-79" жамоаси аъзолари ёдга олинди

Бугун эрталабдан 1979 йилги авиаҳалокатда ҳаётдан кўз юмган жамоа аъзоларини хотирлаш тадбирлари ўтказилди.

"Пахтакор" стадионидаги ёдгорлик олдида кўплаб жамоа аъзоларининг оиласи ва яқинлари, мураббий ва мутахассислар, мухлислар, клублар, ЎФФ ва ПФЛ вакиллари, "Пахтакор"нинг айни пайтдаги футболчилари жам бўлишди. Мирзаҳаким Тўхтамирзаев, Салим Эшмуҳаммедов ва Мурод Алиев ўша жамоа ҳақида ўз фикрлари ва хотиралари ҳақида айтиб ўтишди. Кейин барча Боткин қабристонига йўл олди. У ерда эса ЎФФ фахрийлар кенгаши раиси Наримон Жалолов, Тўлаган Исоқов ва Алла Тазетдинова жамоа тўғрисида ўз хотиралари билан ўртоқлашди. Кейин футболчиларнинг қабрларига гуллар қўйилди. Бугун кун давомида "Пахтакор-79" хотирасига бағишланган тадбирлар бўлиб ўтади.