"Пахтакор" 3 миллиардга "Насаф"дан ҳужумчи сотиб оладими?

"Пахтакор" "Насаф" ҳужумчиси Бобир Абдихолиқовни трансферини сотиб олиш ниятида. Бу борада тошкентликлар "аждарлар"га расман таклиф билан чиқишган.

Бунга қадар "Пахтакор" ўтган мавсумни "Насаф"да ўтказган тўрт нафар футболчи Фарруҳ Сайфиев, Акмал Шораҳмедов, Баҳром Абдурахимов ва Дилшод Раҳматуллаевни эркин агент сифатида ўз сафига қўшиб олганди.

Ёзда эса "шерлар" "Насаф"нинг икки футболчиси Элдорбек Суюнов ва Шерзод Аъзамовнинг трансфери учун 1 миллиард тўлаганди.

Маълумотларга кўра, "Насаф" Бобир Абдихолиқов учун 3 миллиард сўм сўрамоқда.

Агарда томонлар келиша олишса, Бобир Абдихолиқов келаси мавсумни "Пахтакор"да ўтказиши мумкин.

"Пахтакор"нинг Бобир Абдихолиқовга қизиқаётганлиги ҳақидаги маълумотни бугун жамоа бош мураббийи Рўзиқул Бердиев интервью жараёнида тасдиқлади. Бироқ "Насаф" бош мураббийи Рўзиқул Бердиев Бобир Абдихолиқовни жамоада олиб қолиш ниятида. Бу ҳақда Бердиев биз билан бўлиб ўтган суҳбат давомида айтиб ўтди.

Эслатиб ўтамиз, "Насаф"нинг ёш иқтидорли ҳужумчиси Бобир Абдихолиқов ўтган мавсумда Олий лигада 8та гол киритди.

Тез орада Рўзиқул Бердиев билан бўлиб ўтган қизиқарли суҳбатни тақдим этамиз.