«Пахтакор-1997» «Президент Кубоги» турниридаги иштирокини бошлади
12 sep 2013 19:01
News

«Пахтакор-1997» «Президент Кубоги» турниридаги иштирокини бошлади

Жасур Абдураимов қўл остидаги «Пахтакор» футбол академиясининг 1997 йилда туғилган футболчилардан иборат жамоаси Туркманистон пойтахти Ашхободда ҳар йили анъанавий тарзда ўтказиладиган «Президент Кубоги» турнирида баҳсларга киришди.

11 сентябрь куни «Пахтакор-1997» мусобақадаги илк учрашувида Беларусь терма жамоасига қарши майдонга тушди ва 2:1 ҳисобида ғалаба қозонди. Абдураимов шогирдлари турнирдаги 2-тур учрашувида Тожикистон ўсмирларига қарши тўп сурсалар, 3-турда Россия ўсмирлар терма жамоаси «Пахтакор»га рақиблик қилади.

Мусобақанинг иккинчи гуруҳида Туркманистон, Қирғизистон, Эрон ва Кувайт ўсмирлар терма жамоалар тўп суришмоқда.

Регламентга кўра, гуруҳларда дастлабки 2та ўринни эгаллаган жамоалар ярим финалга чиқиб, финал йўлланмаси учун курашадилар.

Link :

Source : the-uff.com

Receive latest football news directly on your phone. Subscribe for our Telegram channel!

Rating: