Пауланер кубогида "Бавария" ўз мухлисларига қарши ўйнайди

Мюнхеннинг "Бавария" жамоаси 6 октябрь куни Пауланет кубоги финали доирасида ўзининг бутун дунё бўйлаб йиғилган мухлисларидан ташкил топган "Пауланер" жамоасига қарши тўп суради. "Бавария" мухлислари шу куни ўз юлдузлари билан майдонда беллашиш бахтига муяссар бўлишади.
"Пауланер" жамоаси бутун Хитой ва Мюнхендаги кастингдан сараланиб олинган мухлислардан ташкил топади.

"Бавария" бош мураббийи Пеп Гвардиола бу борада ўз фирклари билан ўртоқлашди: "Бу жуда ажойиб. Ўтган йилги Пауланер кубоги мен учун катта тажриба бўлганди. Бу сафарги кубокни ҳам интизорлик билан кутмоқдамиз", - дейди Гвардиола.

"Ўз мухлисларимизга қарши ўйин жуда қизқарли бўлади. Футболни футболчилар ва мухлислар бирлаштириб туриши ҳеч кимга сир эмас. Бу жуда ажойиб бўлади", - дейди "Бавария" сардори Филипп Лам.