Пассарела: “Терма жамоада Месси бошқача муносабат билан ўйнайди”

“Месси – зўр футболчи. Ҳар қандай жамоада унинг тўп тепиши ўша жамоанинг имкониятларини кескин оширади. Аммо у “Барселона”да ўзгача иштиёқ билан тўп тепади. У ерда у шубҳасиз энг зўри. Бироқ баъзан сени севадиган жамоада яхши тўп тепишиинг мумкиндир, аммо ич-ичингдан енгилликни ҳис қилмайсан, худдики бу жамоада истакларинг амалга ошмайдигандек. Нима учун терма жамоада унинг ишлари юришмаётганини билмайман. Фикримча, Мессининг ўз юрти жамоасидаги ҳаракатларидаги муаммолари руҳият билан боғлиқ” дея Пассареланинг сўзларидан иқтибос келтирмоқда Mаrca нашри.

22 март куни Аргентина терма жамоаси Венесуэлага 1:3 ҳисобида имкониятни бой берди. Мадриддаги “Ванда Метрополитано” стадионида кечган беллашувда Месси бутун учрашув мобайнида майдонда ҳаракат қилди.