Latest news

10:15"Ньюкасл" "Реал" футболчисига 100 миллион евро таклиф қилди  0 09:43Испания терма жамоасининг бўлажак ўйинлар учун таркиби маълум  1 09:16"Манчестер Сити" ҳимоячиси учун курашга "Тоттенхэм" ҳам қўшилди  0 08:48Here we go! "Арсенал" яна бир трансферни якунлади  3 08:20Антонининг "Бетис"га трансфери барбод бўлди  4 07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  14 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  22 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  9 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  4 22:55Суперлига. "Динамо" — "Андижон" ўйини 15 ноябрь куни ўтказилади  1

"ЎзСҚБ кўплаб вазиятлар яратди, бизнинг йигитлар туриб бера олишди" — Рустам Умаров News

"ЎзСҚБ кўплаб вазиятлар яратди, бизнинг йигитлар туриб бера олишди" — Рустам Умаров

Футзал бўйича Ўзбекистон Кубоги ярим финалидан ўрин олган ЎзСҚБ – "Оил Стар" (2:3) учрашувидан кейин финалга йўл олган жамоа вакиллари фикрларини билдиришди.

"Ҳамма финалда ўйнашни хоҳлайди. ЎзСҚБга раҳмат. Бу йил Олий лигадаги янги жамоа, яхши футболчилар йиғилди. ЎзСҚБ кўплаб вазиятлар яратди, бизнинг йигитлар туриб бера олишди. Асосий мақсадимиз ғалаба қозониш эди, бунга эришдик. Жамоадошларим, мураббийлар ва раҳбариятга миннатдорлик билдираман.

Икки ўйинни бир хил темпда ўтказиш қийин. Шунинг учун кечагидан кўра сал бўшашиш кузатилгандир. Бироқ йигитлар ўзларига келиб олишди ва ижобий натижа қайд этдик", – деди дарвозабон Рустам Умаров.

"Бухорода бўлиб ўтган чорак финал учрашувларидан кейин қисқа фурсатда Тошкентга етиб келдик ва 2 кун шу ерда тайёрландик. Рақиб жамоа кучли эканлиги ва терма аъзолари ҳаракат қилишини билардик. Шунга қарамай, йигитларни астойдил тайёрладик. 

Финалчи икки ўйин натижасига кўра аниқлангани яхши бўлди. Асосий мақсадимиз финал эди, энди ҳал қилувчи баҳс олдидан бироз дам оламиз, кейин тайёргарлик кўришга киришамиз", – деди "Оил Стар" бош мураббийи Фузули Хайруллаев.

"Кечаги ғалаба туфайли бошида сал сусткашликка йўл қўйдик. Биринчи таймда ўйинимиз сал ўхшамади. Танаффусда йигитлар билан гаплашиб олиб, иккинчи таймда бошқача руҳда майдонга қайтдик. Биз рақиб кўпроқ Равшан Элибоевдан фойдаланган ҳолда ўйнашини билардик. Шунга қарши ишланмалар ишлаб чиқишга ҳаракат қилдик. Ўйлайманки, бу мевасини берди. Худо хоҳласа, энди финалга тайёргарлик кўрамиз. Танаффус вақтида мураббийлар ва футзалчилар ўзаро гаплашиб, бундан кучлироқ ўйнай олишимиз ҳақида гаплашдик ва иккинчи таймда ёрқин ўйин кўрсатдик", – деди "Оил Стар" сардори Илҳом Ҳамроев.

Rating: +1   

Comments

championat.asia
< show latest news
Яндекс.Метрика