ЎзПФЛ WLF билан ҳамкорлик қилади

Бу ҳақда ташкилот бош котиби Жером Перлемуте Куала Лумпур шаҳридаги йиғилишда маълум қилган.

Перлемуте ЎзПФЛ бош директори Диёр Имомхўжаев билан суҳбатлашиб, ташкилот вакилларини шу йилнинг октябрь ойида Дубайда бўлиб ўтадиган Жаҳон футбол лигалари ассоциациясининг йиғилишига кузатувчи сифатида таклиф қилган.

Маълумот учун, бугунги кунда 44 мамлакат футбол лигалари WLF аъзоси ҳисобланади. Ассоциациянинг бошқарув кенгаши аъзолари ҳам диққатга сазовор: Ричард Мастерс (Англия Премьер-лигаси ижрочи директори), Энрике Бонилья (Мексика лигаси раиси), Дон Гарбер (MLS раҳбари, АҚШ). Айни вақтда ассоциацияга АҚШ, Канада, Мексика, Англия, Испания, Голландия, Франция, Германия, Туркия, Дания, Италия, Португалия, Польша, Украина, Швейцария, Бельгия каби мамлакатлар аъзо ҳисобланади. Осиё қитъасидан эса Япония, Қатар, Саудия, БАА, Австралия, Таиланд, Жанубий Корея мамлакатлар Жаҳон футбол лигалари ассоциацияси билан ҳамкорлик қилади.