“Озоди” стадионига юз мингдан зиёд мухлис келиши кутиляпти

6-тур доирасида Тошкентнинг “Бунёдкор” жамоаси Теҳронда маҳаллий “Персеполис” жамоаси меҳмони бўлади. Бугун ушбу учрашув олдидан ҳар иккала жамоа вакиллари ва учрашув расмийлари иштирокида йиғилиш бўлиб ўтди.

Унда мезбон жамоа ва “Озоди” стадиони вакилларининг маълум қилишича, “Персеполис” – “Бунёдкор” учрашувига чиқарилган чипталарнинг аксар қисми сотиб бўлинган. Мутахассисларнинг айтишича, эртанги баҳсни томоша қилиш учун “Озоди” стадионига 100 мингдан зиёд мухлислар келиши кутиляпти.

Қайд этиш керакки, яқин-яқинларгача Осиё Чемпионлар лигасида энг кўп мухлис йиғган баҳс сифатида 2009 йилги турнирнинг нимчорак финали доирасидаги “Персеполис” – “Бунёдкор” (0:1) учрашуви рекорд натижани кўрсатиб келаётганди. Ўшанда “Озоди” стадиони 95.225 нафар мухлис ташриф буюрганди. Бироқ ОЧЛ-2015 гуруҳ босқичи 4-турида “Персеполис” Саудия Арабистони чемпиони “Ал-Наср”ни қабул қилди ва ОЧЛда янги рекорд ўрнатилди. Шу куну “Озоди” стадиони ўз бағрига роппа-роса 100 минг мухлисларни қабул қилди.