Latest news

22:02Хаби Алонсо: "Арда Гюлер – Ўзил ва Гутининг аралашмаси"  0 21:18"Ал Ҳалдия" бош мураббийи Али Ашур: "Андижон" ушбу мусобақада гол ўтказиб юбормади"  2 20:56ЕЧЛ. "Барселона" – "Олимпиакос". Таркиблар аниқ  5 20:48"Бавария" Нойер билан шартномани узайтиришни режалаштирмоқда, Нюбель эса сотиб юборилади  0 20:17Элит ОЧЛ. "Шабаб Ал Аҳли" – "Насаф" 3:1 (матнли трансляция)  109 19:58Жиру: "Лига 1 А Сериядан ортда эмас"  5 19:30Шмейхель: "Нега Хойлунд ва Мактоминей "Наполи"да?"  5 19:02Максим Шацких: "Рақибни ўрганиб чиқдик. Фикримча, "Ал Ҳалдия" Қатар клубидан кучлироқ"  16 18:42Артета Гёкереш "Арсенал" учун фойдали эканлиги ҳақида гапирди  0 18:14Абрамович Туркия клубининг акция пакетларини сотиб олмоқчи  3 17:47"Нефтчи" – ОКМК ўйинидаги вазият четлатишга хосмиди? Суперлиганинг 25-туридаги ҳакамлик таҳлили  7 17:27Алаба яна жароҳат олди  3 16:59Эшитдик-да! Аёллар ва футзал жамоаси энди Суперлига клублари учун мажбурий бўлмайди  4 16:39ОФК вакиллари Миллий футбол маркази билан танишди  0 16:19"Футбол олами". Бутсанинг таги билан бутсага тепишга қизил карточка берилмайди. Оёқни синдириш учун сал юқорига тепиш лозим...  12

"ЎзФҲМ ҳакамлар хато қилмаганини исботламоқчи бўлса, офсайд чизиқлари қандай чизилганини кўрсатувчи видеони илова қилиши керак эди" — Синяев News

"ЎзФҲМ ҳакамлар хато қилмаганини исботламоқчи бўлса, офсайд чизиқлари қандай чизилганини кўрсатувчи видеони илова қилиши керак эди" — Синяев

Championat.asia сайтининг ҳакамлик фаолияти бўйича эксперти, россиялик собиқ ҳакам Анатолий Синяев ("Алё, рэф!" Telegram канали муаллифи) Эксперт-ҳакамлар қўмитасининг кечаги "Машъал" – "Бунёдкор" (1:1) учрашувида юз берган эпизодлар ҳақидаги баёнотига изоҳ берди.

"Биз ҳакамлар бригадаси билан эпизодларни муҳокама қилдик. Шу жумладан, VAR'да ишлаганларнинг фаолиятини. Ўйин трансляцияси вақтида офсайдлар кўрсатилмагани бироз ғалати, деган хулосага келдик. VAR ҳакамлари ҳакамнинг қарорини тасдиқлаган ёки бекор қилганда, улар трансляция режиссёрига чизилган чизиқлар билан ушбу стоп-кадрларни берадилар.

Тўқ рангли фон ишончни мустаҳкамламайди. Айниқса, биринчи скриншотда ("Машъал"нинг бекор қилинган голи билан). Ҳамкасблар ушбу скриншотни яратиш учун VAR чизиқларини яратиш учун махсус дастур эмас, балки Photoshop дастуридан фойдаланиш мумкинлигини истисно қилмайди. Умуман олганда, офсайд тананинг қайси нуқтаси бўйича аниқлангани тўлиқ аниқ эмас. Ҳимоячига нисбатан, у тирсакда турганга ўхшайди, гарчи у бироз ўнгроқда – елка ёки оёқда бўлиши керак эди. Ахир, биз биламизки, тирсак билан гол уриш мумкин эмас. Ҳужумчига келсак, у ерда умуман ҳеч нарса кўринмаяпти.


Иккинчи скриншотда ("Бунёдкор"нинг бекор қилинган голи) бироз кўпроқ маълумот бор. Ҳақиқатан ҳам офсайд бўлганини истисно қилмаймиз, лекин тушуниш жуда муҳим: бундай ҳолатларда офсайд чизиқлари кўрсатилган стоп-кадрлар ўйин трансляциясида бўлиши шарт. Бу ерда энди саволлар ё трансляция режиссёрларига, ёки агар улар стоп-кадрларни узатмаган бўлса, VAR'даги ҳакамларга йўналтирилади. Балки ҳакамларда қандайдир қўшимча ракурс бўлгандир, лекин биз буни бу ерда ҳам кўрмаяпмиз. Бундай тушунмовчиликлар юзага келмаслиги учун ўйинлар трансляциясида дарҳол стоп-кадрларни кўрсатиш лозим.

Алоҳида таъкидлашни истардимки, Ўзбекистон футбол ҳакамлари маркази фаолиятига ҳеч қандай эътирозимиз йўқ. Биз кеча қўлимизда мавжуд бўлган маълумотларни, яъни ўйин трансляцияларида кўрсатилган камералардаги гол такрорларини таҳлил қилдик. Агар ҳакамларда бошқа ракурслар бўлган бўлса, уларни ҳам тақдим этишлари лозим эди. Агар Ўзбекистон футбол ҳакамлари маркази вакиллари ҳакамлар хато қилмаганини исботламоқчи бўлишса, офсайд чизиқларини қандай чизганларини кўрсатувчи видеони илова қилишлари керак эди. Масалан, РПЛда айнан шундай қилишади. Бу скриншотларга қараганда кўпроқ ишонч уйғотади. Бу икки эпизод шунчалик катта шов-шувга сабаб бўлганини ҳисобга олиб, таҳлил билан бирга видеони ҳам тақдим этиш тўғрироқ бўларди. Бунга атиги 10-15 дақиқа вақт кетарди холос", – деди Синяев.

Rating: +3   

Comments

championat.asia
< show latest news
Яндекс.Метрика