Ўзбекистонлик халқаро турнирда вице-чемпион бўлди
28 aug 2017 15:04
News

Ўзбекистонлик халқаро турнирда вице-чемпион бўлди

Аввалроқ Украина пойтахти Киев шаҳридаги "Олимпийский" стадионида киберфутбол (FIFA17) бўйича "Динамо" Ёзги Кубоги бўлаётганини эълон қилган эдик.

26-27 август кунлари ўтказилган киберспорт мусобақасида Ўзбекистондан икки киберфутболчи - Муҳаммадамин Турғунбоев ("Бунёдкор") ҳамда Сервер Керимов ("Металлург") иштирок этди.

Қувонарлиси, "Бунёдкор" вакили Муҳаммадамин турнирнинг грандфиналигача етиб борди, бироқ сўнгги босқичда у "Аякс" ўйинчиси Данига кичик ҳисобда мағлуб бўлди.

Бу Ўзбекистонда UVSCF (Ўзбекистон виртуал спорт ўйинлари ва кибер футбол федерацияси) ташкил топгандан кейин амалга ошган илк йирик муваффақият. Мусобақада қатнашган иккинчи ўзбекистонлик ҳам ўзини муносиб кўрсата олди. У мағлублар тўрининг ярим финалигача етиб борди.

Турнирда қайд этилган натижаларни бу ердан билиб олишингиз мумкин:

Грандфинални томоша қилинг (TAS-IX эмас)