Latest news

21:40Эксперт фикри. Мурод Исмоилов: "Нефтчи" чемпионликка катта қадам ташлади, "Насаф" осонликча таслим бўлмаса керак"  1 21:10Суперлига. "Динамо" – "Пахтакор" (матнли трансляция)  38 21:08Про лига. Далер Тухсановнинг дубли "Олимпик-MobiUz"га "ФарДУ" устидан ғалабани тақдим этди  0 21:05Суперлига. "Насаф" мавсумдаги илк мағлубиятини Фарғонада қабул қилиб олди  160 20:35Расман: Бакаев "Бухоро"дан кетди  9 20:17"Тракторсози" — "Истиқлол". Эрон Суперкубоги ўйини учун таркиблар маълум  0 19:46"Тоттенхэм" "Манчестер Сити" футболчисини сотиб олиши мумкин  0 19:18Португалия клублари Ойбек Бозоровни кузатиб бормоқда  6 18:35U-21 биринчилиги. Сардор Мирзаевнинг голи эвазига ОКМК ёшлари "Пахтакор"ни мағлуб қилди, "Қўқон-1912"дан суперкамбэк ва бошқа натижалар  1 17:35"Динамо" 15 йилдан буён Самарқандда "Пахтакор"ни юта олмаяпти  13 17:13Биринчи лигада иккинчи давра старт олди: "Жиззах ФА"дан илк ғалаба, "Цементчи"дан 11:0 ва бошқа натижалар  2 16:52"Бугун Ўзбекистон чемпионатида қизиқарли кун". Боян Миладинович Самарқанд ва Фарғонадаги ўйинлар олдидан нималар деди?  3 16:37"Реал" Камавинганинг жароҳати ҳақида маълумот берди  2 16:11Ўзбекистонлик ҳужумчи Ироқ чемпионатида ўйнайдиган бўлди  6 15:50Расман: Ўзбек телеканаллари Ла Лига, А Серия ва Англия Кубогини намойиш этади  23

"Ўзбекистонда қолсам, "Бунёдкор"дан бошқа жамоага ўтмасдим" — Луис Качорри билан интервью News

"Ўзбекистонда қолсам, "Бунёдкор"дан бошқа жамоага ўтмасдим" — Луис Качорри билан интервью

Албаниялик ҳужумчи Луис Качорри Ўзбекистон Суперлигасининг 2025 йилги мавсуми биринчи даврасида "Бунёдкор" сафидаги ёрқин ўйини, голлари ва характерли ўйин услуби билан мухлислар эътиборини қозонди.

У жамоага тез мослашди, бир неча муҳим ўйинларда натижа ҳал қилувчи фигурага айланди. Яқинда эса шартномаси якунланиб, жамоани тарк этган Качорри билан  Ўзбекистондаги фаолияти, футбол ва ҳаёт ҳақидаги фикрлари ҳамда келажакдаги режалари ҳақида суҳбатлашдик.

— Ўзбекистондаги фаолиятингиз ва "Бунёдкор"даги ўйинларингизга қандай баҳо берасиз?

— "Бунёдкор"да жуда яхши вақт ўтказдим. Бу фаолиятимдаги энг яхши мавсумлардан бири бўлди, десам муболаға бўлмайди. Бир йил тўлиқ ўйнадим. Бу вақт давомида ўзимни кўрсата олдим деб ўйлайман. Албатта, бошида мослашиш осон бўлмади, лекин кейин барчаси ўз ўрнига тушди.

— Тошкентдаги ҳаётингиз қандай ўтди? Маҳаллий маданият сизда қандай таассурот қолдирди?

— Тошкент менга жуда ёқди. Бу шаҳар — тинч, самимий, хавфсиз. Маҳаллий маданият, одамларнинг илиқ муносабати менда фақат ижобий ҳислар қолдирди. Агар футболчи сифатида эмас, турист сифатида бўлса ҳам, Ўзбекистонга яна қайтиш ниятим бор.

— Ўзбекистон Суперлигасида ҳимоячиларга қарши ўйнаш қай даражада қийин бўлди?

— Суперлигадаги ҳимоячилар анча қаттиқ. Жисмоний тайёргарликлари яхши, позицион жиҳатдан ҳам яхши тўп тепишади. Бу чемпионатда тўп суриш осон эмас, лекин айнан шу қийинчиликлар менинг ўсишимга сабаб бўлди.

— Нега жамоани тарк этишга қарор қилдингиз? Бу қарор қанчалик осон бўлди? Молиявий жиҳатлар муҳим омил бўлдими? Ва нима учун одатда бир жамоада узоқ тўп тепмайсиз?

— Асосий сабаб — молиявий. Агар мен Ўзбекистонда қолганимда, "Бунёдкор"дан кетмаган бўлардим. Бу жамоа менга ишонди, мен эса майдонда жавоб қайтаришга ҳаракат қилдим. Жамоани тарк этиш мен учун осон бўлмади. Ҳар сафар жойни алмаштириш ортида муайян шароитлар ва қарорлар туради.

— "Бунёдкор"даги фаолиятингиз давомида энг кулгули ёки эсда қоларли воқеа қайси бири бўлган?

— Жуда кўп кулгули ва эсда қоларли воқеалар бўлди. Аммо уларнинг кўпчилиги шахсий, жамоа ичида бўлган ҳолатлар. Шу боис ҳаммасини очиқ айта олмайман. Лекин "Бунёдкор"даги муҳит менда фақат яхши хотиралар қолдирди.

— Ўзбекистондаги энг кучли футболчи ва энг яхши легионер деб кимни айтган бўлардингиз?

— Энг кучли футболчи сифатида Одил Ҳамробековни танлаган бўлардим. У катта тажрибага эга, ўйинни яхши ҳис қилади. Легионерлардан эса иккита номни айтардим: биздаги Бугарин — кучли ҳимоячи, шунингдек "Нефтчи"да ўйнаган Йовович ҳам анча юқори савиядаги футболчи.

— Бир мамлакатдаги тажриба инсонни нафақат футболчи, балки шахс сифатида ҳам ўзгартириши мумкин. Ўзбекистон сизни қай жиҳатдан ўзгартирди?

— Мен инсон сифатида ўсдим, десам тўғри бўлади. Айниқса, ўтган мавсум бошидаги қийинчиликлар менга куч берди. Ўзимга бўлган ишончим ошди, менталитет жиҳатдан янада мустаҳкамландим. Бу фақат футболда эмас, ҳаётда ҳам менга катта фойда берди.

Rating: -1   

Comments

   
18 jul 11:20:18
Liverol Motor Oil
Саволларнинг хам еббббатларини беришадиде.
Каччори хам озгина думкага тушиб қолиб кейин "дахуйсним" озгина мақтаворақолай дегандур))
   
18 jul 10:34:36
Bugatti vieyron
Negadur osh haqida so‘ramay qo‘yishdi
   
18 jul 08:45:57
Oliver Kan
Bizi jurnalistlarni hammasi bir xil savollar beradi
championat.asia
< show latest news
Яндекс.Метрика