Ўзбекистон ёшлар (U22) терма жамоаси январь ойида БААда йиғин ўтказади
08 dec 2013 18:25
News

Ўзбекистон ёшлар (U22) терма жамоаси январь ойида БААда йиғин ўтказади

Мухбиримиз Камолиддин Алимовнинг хабар беришича, Шуҳрат Мақсудов бош мураббийлигидаги 1993 йилда туғилган футболчилардан иборат терма жамоамиз Уммондаги Осиё чемпионати олдидан БААда бир ҳафталик ўқув-машғулот йиғини ўтказади.

Режага кўра, 5 январь куни терма жамоамиз делегацияси БААга жўнаб кетади. У ерда бир ҳафта давомида машғулот ўтказилади. Йиғин доирасида 2та ўртоқлик учрашуви ташкил этиш режалаштирилган. 11 январь куни эса Уммонга йўл олинади.

Шунингдек, Уммонга борадиган таркибдан "Бунёдкор", "Локомотив", "Пахтакор", "Насаф", "Нефтчи" каби клубларнинг 1991-1992 йилларда туғилган энг истеъдодли футболчилари ҳам жой олишади. Кенгайтирилган рўйхатда 50га яқин футболчи бор. Келаётган пайшанба куни улардан 23 нафари якуний рўйхат учун танлаб олинади.

Эслатиб ўтамиз, Уммондаги Осиё чемпионатида Ўзбекистон ёшлар терма жамоаси "D" гуруҳида Хитой (12 январь), Ироқ (14 январь) ва Саудия Арабистони (16 январь) ёшларига қарши ўйнайди.

Link :

Source : championat.asia

Receive latest football news directly on your phone. Subscribe for our Telegram channel!

Rating: