Ўзбекистон - Япония 2:3 (Фото)

Аслини олганда ҳисоб ўйинга мос бўлди. Япония ёшлар терма жамоасининг ўйинига нафақат ёшларимиз, балки бошқа терма жамоаларимиз ҳам ҳавас қилсалар арзийди. Кечаги ўйин эса 2-3та воқеа билан бизнинг ёдимизда қоладиган бўлди. Бири Рогованов иккита тўп киритиб терма жамоамизни 2:0 ҳисобида олдинга олиб чиққани бўлса, иккинчиси Миржалол Қосимовнинг кенжа фарзанди, Миржамол Қосимов ота изидан бориб 4-рақамда терма жамоамизни сардор сифатида майдонга бошлаб тушди. Японлар дарвозасига киритилган биринчи гол ҳам отасининг услубида бўлди. Ҳудди бир пайтлар Қосимов жарима зарбасидан тўпни ё дарвоза тўрига, ё жарима майдончаси ичига ташлаб берганидек, Миржамол ҳам тўпни тўғри Рогаванов турган нуқтага аниқ етказиб бера олди. Яна бир ҳолат, 1993 йилларда туғилган ёшлар терма жамоаси футболчиларининг соясида қолиб кетаётган Забиҳулло Ўринбоев, ниҳоят ўзига тегишли бўлган терма жамоадан жой олди.