Ўзбекистон U-23 Уммонга қарши учрашув олдидан расмий машғулот ўтказди

Учрашув бўлиб ўтадиган Жиянгйиндаги стадионга қарашли майдонда ўтказилган расмий машғулот Ўзбекистон олимпия термаси учун ОЧ “A” гуруҳидаги 3-тур ўйини олдидан тайёргарлик вазифасини бажариб беради.

Ушбу машғулотларда терма жамоадаги барча футболчилар иштирок этишди. Илк учрашувда жароҳат олган терма жамоа ҳимоячиси Акром Комилов ҳам ҳозирда машғулотларга қўшилган ва умумий тарзда шуғулланмоқда.

Бугун футболчилар асосан учрашувда қўлланиладиган тактика ва айрим стандартлар бўйича машқлар олиб боришди. Деярли икки соатга яқин вақт давомида олиб борилган машғулотлардан сўнг терма жамоа бугун кечаси назарий машғулотларни давом эттиради.

Эслатиб ўтамиз, Равшан Ҳайдаров бош мураббийлигидаги терма жамоа эртага ОЧ 3-турида Уммонга қарши учрашувда майдонга тушади.