Ўзбекистон (U-22) - "Ҳатта" учрашуви 18:00да бошланади
06 jan 2014 17:26
News

Ўзбекистон (U-22) - "Ҳатта" учрашуви 18:00да бошланади

Шухрат Мақсудов бошчилигидаги Ўзбекистон ёшлар (U-22) терма жамоаси бугун БААдаги йиғин доирасида илк назорат учрашувини ўтказади.

Тошкент вақти билан соат 18:00да БАА биринчи дивизионида иштирок этувчи "Ҳатта" клубига қарши ўйин бошланади. Айни пайтда делегациямиз ўйин бўлиб ўтадиган стадионга кетишмоқда.

Ушбу клуб бу мавсум биринчи дивизионда ортда қолган 8та ўйинда 11 очко тўплаб мусобақа жадвалининг 7-поғонасида бормоқда. Уй ўйинларини "Шайх Ҳамдам Бин Рашид Ал Мактум" стадионида ўтказиб келади.

Шуҳрат Мақсудов шогирдлари 2-назорат ўйинини 8 январь куни Қозоғистоннинг «Остона» жамоасига қарши ўтказишади.

Уммондаги (U-22) Осиё чемпионати 11-26 январь кунлари бўлиб ўтади. Ўзбекистон терма жамоаси мусобақанинг «D» гуруҳидан ўрин олган. Шуҳрат Мақсудов шогирдлари 12 январда Хитой, 14 январда Ироқ ва 16 январь куни Саудия Арабистонига қарши баҳс олиб боришади.

Link :

Source : championat.asia

Receive latest football news directly on your phone. Subscribe for our Telegram channel!

Rating: