Ўзбекистон U-19 ёшлар терма жамоаси Тошкенттга қайтиб келди
23 oct 2014 10:34
News

Ўзбекистон U-19 ёшлар терма жамоаси Тошкенттга қайтиб келди

Равшан Ҳайдаров бош мураббийлигидаги Ўзбекистон U-19 ёшлар терма жамоаси Осиё Чемпионатидаги иштирокини якунлаб Тошкентга қайтиб келди.

Эслатиб ўтамиз, Ўзбекистон U-19 ёшлар терма жамоаси Мьянма мамлакатида бўлиб ўтаётган U-19 ёшлар ўртасидаги Осиё Чемпионатида ярим финалгача етиб бориб, келаси йили Янги Зеландияда ўтказиладиган U-20 ёшлар ўртасидаги Жаҳон чемпионатига йўлланмани қўлга киритди.

Гуруҳ босқичида БАА, Австралия ва Индонезия ёшларига қарши ўйнаган Ҳайдаров шогирдлари гуруҳ босқичини иккинчи ўринда якунлашди ва чорак финалда Таиланд ёшлар терма жамоаси устидан ғалаба қозониб ярим финалга йўл олишган эди. Ярим финал баҳсида эса Ўзбекистон ёшлар терма жамоаси КХДР ёшлар терма жамоасига мағлубиятга учради.

Link :

Source : the-uff.com

Receive latest football news directly on your phone. Subscribe for our Telegram channel!

Rating: